يعني ايه ميزانية الصحه تكون 15% من ميزانية الدوله؟؟؟ 1-يعني تروح الوحده الصحيه تلاقي الدواء موجود و سليم 2-يعني تروح المستشفى تلاقي جهاز السونار و الرنين شغال و في 3 او 4 اجهزه منه و متطرش تروح تعمل الرنين بره ب500 او 600 جنيه 3-يعني متروحش المستشفى ابنك سايح في دمه و يقلولك هات دم من بره اصل مافيش اكياس دم 4-يعني متروحش تعمل عمليه في مستشفى حكومي تطلع منها بمرض اخطر و اصعب 5-يعني ماتروحش مستشفى متلاقيش الدكتور اصله شغال بره عشان يعرف يعيش و يتجوز 6-يعني ماتخفش تدي ابنك التطعيم لحسن يجيله شلل 7-يعني تطلب الاسعاف تلاقيه فاضي و يجيلك بمسعف مدرب و دكتور متعلم صح 8-يعني تروح المستشفى تلاقي دكتور متعلم و فاهم و مضطرش تروح عياده خاصه و تدفع كشف 250 جنيه غير الدوا و الاعاده 9-يعني ماتجيش الوحده اقولك هاتلي الحقنه من بره اصل معنديش سرنجه ولا قطن 10-يعني لما تتعب ماتقولش ااكل عيالي اولى لان بال5 جنيه كشف مستشفى الحكومه هتلاقي علاجك و دواك و الشفاء باذن الله تعالى وقفتكم يا اهل مصر مع اضراب الاطباء ليكم و لولادكم