حالة تناقض كبيرة شهدتها تصريحات حسام البدرى، المدير الفني للنادي الأهلي، فيما يخص الأخطاء التحكيمية، حيث خرج علينا البدري عقب مباراة الأهلى وطلائع الجيش في الجولة الاولى للدوري العام والتى شهدت أخطاء تحكيمية واضحة من حكم المباراة، أحمد حمدي. وقال البدري، في المؤتمر الصحفي الخاص بالمباراة: «الزملاء في الاستديوهات، أرجو منطلعش نقول الأخطاء واردة، الأخطاء واردة لكن في امكانيات وفى قدرات، لما تبقى في قدارت صعبة بنشوف اللى شوفناه النهارده، ده اللى أنا عايز أقوله في البداية، طبعا علشان كده أنا بقول إن المباراة توترت، طبعا جه فينا ضربة جزاء غير صحيحة، اصطدمت في صدر عمرو، وأنا شوفت كل حاجة، علشان لما اطلع اتكلم أبقى بتكلم بمنطق وأتكلم وأنا واثق من كلامى، وارد أن الحكم يغلط لكن لكم التقدير اللى حصل للأهلي اليوم غريب». كان المدير الفني نفسه، في حلقة ببرنامج «كل يوم» مع الإعلامى عمرو أديب، بتاريخ 25 يناير 2017 الماضي، تحدث على أن الأخطاء واردة وقال، في الدقيقة 40.58، من الحلقة: «طبعاً أنا بقول أن الاخطاء دى واردة ومبتبقاش مقصودة، ويجب علينا إحنا كمان أننا نتعامل مع الكلام ده بمنتهى الهدوء، لأن التوتر إللى إحنا ممكن نكون فيه يسبب توتر للآخرين، فبقول التحكيم في قاعدة كبيرة دلوقتى جداً من الحكام المميزين، لكن زى ما بقول التوتر اللى حصل في الدور الأول هو ده اللى عامل رعب». فى النهاية، نود أن نعرف هل أخطاء التحكيم واردة، أم غير واردة، يا كابتن حسام؟!.
