ياسيادة الأب الرئيس نزل الستار خلصت فصول المسرحية . موش قادر اضحك ولا ابكى اتحجر الدمع فى عنيه. ياسيادة الأب الرئيس مين السبب تبقى النهاية مأساوية . الشعب ما كتبش النهاية الشعب كان جمهور بكيفكم بالبساطه وبالسهوله. استبعدوه من كل دور والحثاله بيلعبوا دور البطوله. الشعب بيكتب فى البدايه لصبح عايشه الشعب فيه بطل الروايه . اتغيرت كل المشاهد . واتبدلت كل الشواهد. صدقنى موش خسه ونداله موش عدل ده طب بس قوللى تبقى فين هيه العداله. شعبك وعارفه ولا احنا شعب بإلف حاله لأ هيه حاله مكتوب... فوق صفحة النيل العظيم مصر هبه المصرين مين السبب مين اللى مفهمش الرساله. ******** تلاتين سنه والشعب كان ملك اليمين. ان قلت شرق يقولوا شرق ان قلت غرب يقول امين . تلاتين سنه بنغنى للبطل الأمين . وفى نصر اكتوبر ياسيدنا بقيت قائدنا وصاحب النصر المبين . بصراحه مابخلناش بحاجه يازارع الأمن فى ربوعنا وبانى نهضتنا الحديثه من غير مانسأل فين اماره النهضه فين. ياسيادة الأب الرئيس هو انت ابونا ولا ابونا يبقى مين . لو كنت ابونا ازاى فى عهدك كممونا وخوفونا وبهدلونا ازاى رجعنا للعصور الجاهليه . ازاى فى عهدك يسرقونا وينهبونا ازاى تسبنا للصوص والبلطجيه. ازاى فى عهدك فى البخاير غرقونا . فى القطارات ولعونا . بالمبيدات سرطنونا . ازاى فى عهدك قله م الأوغاد خادونا قطعونا وورثونا ازاى فى عهدك الأنتخابات زوروها . ميه النيل سمموها. والأراضى خصصوها . للفساد والمحسوبيه . ياسيادة الأب الرئيس مين اللى خان الراعى خان واللا الرعيه . ياسيادة الأب الرئيس من اللى خان المسئوليه. ياسيادة الأب الرئيس ما انتاش ابونا لأ احنا ابونا الوطن وامنا الحريه ***********