مع كامل أحترامي للعمال والفلاحين بس أحنا النهارده مش محتاجين نجامل حد على حساب الوطن أحنا شعب متحضر يعرف قيمة العلم والعلماء يعني ايه 50%من اامجلس التشريعي عمال وفلاحين يعرفو أيه دول عن القوانين والتشريعات صدقوني دول ناس معاها فلوس و عايزه بس المصالح الشخصية وبعدين تعالو نفكر بشكل منطقي ليه مايكنش مجلس الشعب ده عباره عن مقاعده لروؤساء الأحزاب وتكون الانتخابات داخلية اي داخل كل حزب و بكده نضمن يكون الأعضاء ناس فاهمين ومهتمين بالقوانين والتشريعات وبكده برضه نوسع القاعدة من الأحزاب أي ممكن يكون عندك 200 حزب على الأقل وكل الناس المهتمين بالحياة السياسية وبالقوانين والتشريعات تشارك في الأحزاب علشان تنتخب العضو( رئيس الحزب ) اللى المفروض أنه هيمثلها في أختيار القوانين والتشريعات السليمة وبكده برضه نكون وضعنا الرجل المناسب في المكان المناسب والناس المهتمة بالقوانين هم اللي أنتخبوا العضو المناسب . أما الناس اللي بتروح تنتخب علشان أولادها يتوظفوا أو علشان أى مصلحة فدول بقى هنخليهم ينتخبوا المحافظ الذي من المفروض أنه يكون المسئول عن الأسكان والتوظيف والمرافق وكل شىء في محافظته كلها والمحافظ يكون من نفس المحافظة و المفروض يكون بالانتخاب أي رئيس جمهورية هذه المحافظة وهو المفروض يكون عارف أيه هي أحتياجات محافظته من كل حاجة وعارف أزاي يزود موارد هذه المحافظة وبكدة يقدر يصلح فيها والمحافظ الناجح ممكن يرشح نفسه لأنتخابات الرئاسة وبكده تتولد روح المنافسة بين المحافظين للأستيلاء على قلب الشعب بدل من الأستيلاء على مقدرات الشعب . وبعدين قعدنا نقول لا مركزية ودلوقتي نسيناها فين التقدميين اللي كانو بيحلموا بمصر أكبر من أي دولة في العالم اللي كانوا بيقولوا عايزين إعادة رسم مصر جغرافياً بحيث نراعي الأبعاد الاقتصادية والتجارية و الصناعية والزراعية لكل محافظات مصر أي أن مصر جغرافيا كالآتي في أماكن فيها بترول إذا تصرف علي الأماكن الصحراويه المحيطة بها إذا كانت صحراء تعمرها وتزرعها في نفس المحافظة ويعاد تقسيم مصر بحيث منطقة غنية تصرف علي منطقة قافرة في نفس المحافظة والمحافظ الجيد هو المنظم اللى يقدر يزود الموارد ويستصلح الأراضي و يكتشف المناجم ويشجع التعليم و يزود البحث العلمي ممكن تطلع محافظة بقمر صناعي يكتشف الألغام والمناجم وممكن محافظة تانية تصنع عربيه من الألف إلى الياء وكل ما كانت المحافظه أغني صار هذا المحافظ على قمة المحافظين فى ترتيب الرئاسة يا جماعة أحنا محتاجين نرتب أفكارنا أكتر من كده شوية ونعرف أحنا بنعمل أيه بالضبط وعايزين أيه من المستقبل وبنحلم بيه إزاي وبرضه إزاي منرجعش في اللى كنا فيه تاني أحنا مش كل كام سنة هنقوم بثوره كفاية اللى راح .
