ألا أونا ..ألادوا..ألا تريا هنا المزاد.. ميه لميه للبيع دراع حره أبيه دراع أصيله.. مصريه إستعمال بسيط ف زمن التنطيط لا فيه جهاد ولاحريه وعمر صاحبها ما كان خوان ولا له فى سكة الباطل عنوان ولا كان خرونج ولا حتى جبان وفى الحق دايما دراعه طويل أصيل والله ياوادى النيل مين يشترى ويقدر مين بسعر إبتدائى يا محترمين كلمة حق وقولة لاء عند الظلمه والفاجرين ******************* دا سعر غالى علينا ياعم لو إشترينا ولينا نصيب إيه هاينوبنا غير الهم لا..لالأ لأ بلاش لوخدناها رحنا بلاش ألا أونا ..ألادوا..ألا تريا جبر المزاد ياسكنليه مين يصدق بس ياناس ييجى زمان عند الناس دراع أصيل ودراع حساس ما يساوى ف شرع الناس دراع مقشه فى إيد كناس ألا أونا ..ألادوا..ألا تريا