بحبك يا أهلى ولكن.. بعدما جهزت نفسى.. وظبط ساعتى بدرى.. ع الماتش المرتقب.. ده الأهلى ف اليابان.. وكنت فيه عشمان.. لكن يا خسارة أنغلب.. والصدمة كانت قوية.. والحزن بان ف عنيا.. ع اللعب الى أنلعب.. بعدما كنا حنكسب فرحنا واتغرينا.. ونسينا أن الوقت من دهب.. وبدأنا فى الاستهتار.. ف هجمونا كالتتار والحال أهو انقلب.. واتقدموا علينا وفرحناهم فينا.. بدون داعى وسبب.. وكان الوقت فاضل.. كأطفال الحجارة قدام المغتصب.. مفيش صحوة هجوم كله دفاع ونوم.. حاجة آخر.. عجب.. ودة مش جديد علينا.. دى طباع وساكنة فينا.. وساكنة ف كل العرب!! أحمد مقلد يا ترى العيب فى مين؟.. فى اللى قال وطنى والسلام.. والا اللى قال البنا والأحلام.. والا اللى قال دينى وقرآنى.. واللى قال أنا مصرى سلطان زمانى.. والا اللى قال وأنا مالى.. أنا فى حالى وصاين عيالى.. لو اتقادت فيها نار.. لن أنظر غير أمامى.. واللى يقول أنا مشغول.. بشقى عشان طبق الفول.. واللى تقوله مع بعض نصلحها.. يقول لك مش أنا المسؤول.. يا أخوانا العيب فيكم.. تاخدوا اللى ليكم.. وتنسوا اللى عليكم.. إلحقوا شبكو إيديكم.. قبل ما تخرب قدام عنيكم.. ونوروها هتلا قوها.. جنه تملكوها.. بس انتم صلحوها.. ومتفكروش العيب فى مين. أميرة محمود صالح محمود السيوف - الإسكندرية طالبة بالصف الثانى الاعدادى تعالوا نتكلم بصراحة وبوضوح.. ممكن نعالج جرح بشوية جروح.. وفينا اللى مكسور واللى ملووح.. وفينا اللى سقف بيته باللوح.. وفينا اللى بيقول ما بعدك روح.. وفينا اللى ساكن فوق السطوح.. وفينا اللى عاوزها تيجى وتروح.. وفينا اللى انقتل جواه الطموح.. وفينا اللى غلطه دايماً مسموح.. وفينا اللى سافر من ديونه مدبوح.. وفينا اللى عايش جسد بلا روح.. فهمونا قبل ما روحنا تروح.. هل كل حاجة فى ثانية هتروح.. ولا هى حاجة هتزود الأمل والطموح.. ونبطل نسافر زى الطير المجروح.. وتعوى علينا الكلاب وتنوح! م/محمد عبالقادر أبوالمجد صطبارى - شبين الكوم يابوش.. دخلت حرب بدون لازمة.. وعملت للعالم أزمة.. وعدمت صدام يوم العيد.. وأديك بتاخد بالجزمة! محمد تاكس