ياما جارى فى البلد ياما جارى.. آه يا نارى حالى عدم.. بقى معتمد عيان. م السم الهارى سعادة البيه طلع تشريع وقال: الصرف الصحى م بيضرش وإنه تنويع وبديع والبدل الفاقد م الناس متعدش البيه قال ازرعوا كام فدان قمح وفول على ورور ولا تنسوش الموز والرمان فيهم فيتمين يسور
واسقوا الزرع من كام بكبورت يصبح مزهزه ومنعنع والتكلفة يدوب كمامة وحتة شورت ويا بخت من نفع واستنفع طب إزاى هاكل من فضلاتى لبن وفواكه وخضار هوا فاكرنى أهبل على نياتى باكتب بس الأشعار
عشرين سنة باطفح طفح أكلى كله نحاس ونشادر أوجاعى يطول فيها الشرح الوقوف لوحده بيعملى مخاطر راحت فين الميه الحلوة راح فين النيل يا خليل هيه م عادت ميته تسوه ده أنا من غيرها عليل وذليل والله م أنا عتقه البيه بن الايه اللى عيانى بجهله وقلة رأيه بكره ها سففه م الزرع اللى سقيه عشان يدوق اللى أنا دقته!! إبراهيم جزر بشبيش - المحلة الكبرى