عجبى على ابن آدم له كلام طراطيش لسانه زى العسل وفعل مفيش زى ديك رومى نافش الريش لو طبق ربع اللى بيقوله الدنيا تصير جنة مش بس كلام للدهان بوية مع ورنيش وخير الكلام للمصطفى نبينا طه الحبيب أحاديثه فيها الشفا تخلى جروحنا تطيب سألوه عن الإيمان قال تحسة فى قلبك ويصدقه العمل مش هيصة مع تهويش فكرتنى براجل كان عامل درويش يمشى ويهتف يا عباد الله امشوا ورايا أنا طيب ومبأذيش وفى يوم جه البوكس وشالوا صاحبنا طلع شيخ منسر أول ماعملوله فيش كلامنا دوغرى لابندارى ومبنخبيش حياتنا أساسها الصراحة ولا نعرف التلويش وكل واحد وضميره له رب عليم وياما ناس منفوخة عالفاضى قش وخيش حسن صالح العجوزة