جرب مرة سيادتك واركب أتوبيس م البساتين تلقى زحام وخناق ومشاكل تلقى الوضع مهين تلقى الأتوبيس زى العلبة وإحنا كما السردين تلقى البدلة اللى انت لابسها صبحت زى الطين تلقى شرابك نط فى ناحية وضاعت فردة يمين تلقى عجوز واقف بالعافية وجنبه شباب قاعدين مش عارفين الذوق وقواعده ولا قاريين فى الدين ولا عارفين لو كنا نساعده بكره الدور على مين واللى يدوس على رجلك واللى يضايقك بالتدخين واللى بيزعل لما يشوفك واقف جنبه تخين واللى يبيع مناديل وحجارة وكشاف جاى م الصين لو مش ليك حنقول شكوتنا قول لى حنشكى لمين حل المشكلة دى من فضلك وأعلن فى القوانين أعمل خط جديد للمترو هات أتوبيس بدورين
اعمل شىء خلينا نحس بأننا بنى آدمين نقدر نركب أى مواصلة حتى من البساتين أحمد حسن عمر عضو رابطة الزجالين وكتاب الأغانى