سبحانك يا ربى.. يا خالق الحياة من العدم.. ولد مصرى.. أسمرانى بطل.. دمه زى العسل.. خطف هدف.. وعزف أحلى نغم.. وعمل اللى فشل فيه نظام بحاله.. مين اللى قال لازم يفضل الحزن على حاله.. رفرف بقى وخد السما ف حضنك يا علم.. واطلع يا فرح من قلب الألم.. وصدق.. أرجوك تصدق.. إن اللى بنى الهرم كان انت.. واللى صبر.. انت.. واللى عبر انت.. تقدر تقوللى آخر مرة حلمت كان إمتى..؟ آخر مرة فرحت.. ضحكت من قلبك كان إمتى..؟ آخر مرة خدت العيال ف حضنك ونمت فى أمان.. كان إمتى..؟ آخر مرة اتعاملت على إنك بنى آدم إنسان كان إمتى..؟ مد إيدك ع الفرح اخطفه.. استطعمه.. وخليه من تانى يعرفك.. واعرفه.. فتح عينيك.. وإياك تخاف م الضى.. بص من تانى على روحك واتأكد إنك لسة حى.. واحميها من كل الكلاب اللى بتاكل لحمها نىّ.. صدقنى محدش حبها زيك انت.....