فات بالعجل رمضان واتفك أسر الجان والشاطر اللى قدر يكسب رضا الرحمن بالطاعة والتلبية والذكر والأدعية دالأصيل فى التربية مبنى على الإحسان بالذكر نعلا لفوق ويطير معانا الشوق واللى مداقشى يدوق حلاوة الإيمان هيا العبادة كدا قبل الصلا فيه ندا بيخللى عندك رضا ويفتح الأذهان يا إخوانا استحملوا إوعوا قوام تزعلوا لما العيال يسألوا علمنا إيه رمضان بالراحة رح يفهموا ويفكروا ويحكموا أول ما يتعلموا رح يعرفوا الإحسان الذنب مش ذنبهم وأحب أوضح لهم كل اللى غاب عنهم بالحكمة والبرهان علمنا حسن السير ونضحى لجل الغير عرفنا حب الخير من عطفه ع الغلبان بنودوا فيه بعضنا وبنعبدوا ربنا ونطهروا نفسنا م الغل والعصيان المفسدين يرحلوا والمصلحين يعدلوا والخلق بيرتلوا ويجودوا القرآن أكبر دليل عندنا اللى أمر ربنا هو اللى خالق لنا عقل وبصر ولسان سبحانه رب الحرم دوقنا طعم الكرم وإدانا عزم وهمم والصحة فى الأبدان عضو اتحاد الكتاب
