قال الإعلامى أحمد موسى، إن قانون تجريم الإساءة لثورتى يناير ويونيو الذى أقره الرئيس عبد الفتاح السيسى بالأمس، سيعمل على كبت حرية الإعلام والصحافة مضيفا "واللى طبلوا امبارح وهتفوا أول ناس هتدفع التمن، لكن أنا عمرى ما هخون الأمانة وماكنتش محتاج أتمنى ان يكون الموضوع ده دلوقتى أو بعد شويه". وأضاف موسي عبر برنامج "على مسئوليتى" المذاع على فضائية "صدى البلد" أنه سيظل يتحدث عن كل المتآمرين فقط ولكن ليس كل المواطنين الذين نزلوا فى ثورة 25 يناير، مشيرا إلى أن المشير حسين طنطاوى واجه العديد من السباب والألفاظ المتدنية خلال هذه الثورة، مضيفا "هل يصح أننا نسيب حق الشهداء اللى ماتوا فى الثورة واللى قتلوهم الإخوان، والرئيس يعلم ذلك، لو عملنا القانون هيبقى دم الناس دى فين". وتابع موجها كلامه للرئيس السيسى "لو اتعلم القانون ده يبقى هيضيع حق الشهداء لناس مش بتوعك وبتوع حد تانى، وهما عملوا الفخ، وليه الرئيس عدلى منصور ما عملش القانون ده، لأنه عارف انه غير دستورى ولتكميم الأفواه، كنت أتمنى نفى مؤسسة الرئاسة لهذا القانون وأنا ضد هذا القانون تحت أى ظرف". واستطرد:"الرئيس استعجل ليه هل فى دوافع تخليه يعمل ده؟ وهل الرئيس خايف من حاجه؟ انا ما عنديش اجابة لكن انا بطرح السؤال بعينه؟" حسب قوله.