انتشرت فى الفترة الأخيرة من ظاهرة هروب الطلاب من المدارس، ما يؤثر سلبا على العملية التعليمية والمجتمع المصرى. "فيديو7′′ قناة اليوم السابع المصورة، التقت عدد من طلاب المدارس، بعد خروجهم من المدرسة، قبل مواعيد انتهاء اليوم الدراسى، أثناء تجولهم على كورنيش النيل. "إحنا بنهرب عشان المدرسين مبيشرحوش كويس وبيشتمونا والمدرس بييجى يشرب كوباية الشاى والسيجارة وخلاص على كده"، هكذا لخص أحد الطلاب الهاربين، اليوم الدراسى. وعن كيفية الهروب، قال: "مدير المدرسة عارف والسور فيه فتحات ولو واحد فينا اتمسك وهو بينط من على السور بيدفع جنية وبنعدى". وقال طالب أخر: "العيال البلطجية بيهربوا عشان بيشربوا سجائر، وأنا بهرب فى الأيام اللى مفيهاش شرح". واتفق طالب أخر معهم، قائلا: "أنا بهرب عشان المدرس بيضربنى وكلنا بنهرب ومحدش بينزلنى الحمام، ولازم اكون عيان عشان انزل الحمام". وقال أحد التلاميذ فى المرحلة الابتدائية: "انا بهرب علشان بشوف المدرسين بيشربوا النسكافية، ومبيعملوش حاجة تانى". وأوضح تلميذ أخر: "النهاردة عندنا 6 حصص فاضيين فنهرب عشان نتفسح ومحدش بيدخلنا من المدرسين هنقعد فى المدرسة نعمل إيه".