قال الرئيس عبدالفتاح السيسي، إن الشعب المصري وقف مع جيشه في محنته بنكسة 67 ويسانده حتى الآن في كل الظروف. وأضاف خلال حضوره حفل القوات المسلحة الذي أقيم بالكلية الحربية بمناسبة الذكرى 41 لنصر أكتوبر، أن ''الشعب المصري في كل مناسبة وفي كل أزمة يؤكد أنه شعب مختلف ومتفرد و أننا مختلفين عن غيرنا لأن الواقع اللي بنشوفه في المنطقة حاليا يؤكد أننا شعب مختلف، لان في دول انزلقت في مشاكل كبير ولكن الشعب المصر اتحرك بسرعة لانه شعر بوجود خطر حقيقي على الدولة المصرية، ويمكن كان في مسئولين كتير مش مدركين هذا الخطر فكان 30 يونيو ودا مش معناه أن 30 يونيو بس ودا مش معناه أن مفيش 25 يناير ولكن الشعب اتحرك في 25 يناير عشان عاوز تغيير وواقع جديد وخاض التجربة لمدة سنة وبعد كدا حس بخطر على الوطن ليقوم بثورة 30 يونيو والجيش مكنش ينفع يقف ويسيب الشعب''. وتابع رئيس الجمهورية : ''يوم 26 /7 من العام الماضي كان يوم عظيم وهو اللي نزل فيه المصريين فطروا مع بعض في الشارع وكانت دي أول محطة تؤكد أن الشعب واعي جدا لمصلحة بلده، وكنت عاوز دعم لمواجهة عنف محتمل جوه مصر وبره مصر والمصريين خرجوا علشان يؤكدوا اننا مش هنسمح ان بلدنا تضيع وتضيع كرمتها''. وأوضح : ''محطة تانية بتاكد أن الشعب المصر منفرد لما المصريين نزلو في الاستفتاء على الدستور بكثافة عالية، والمحطة الثالثة في الانتخابات الرئاسية، والمحطة الأخيرة كانت في رحلة نيويورك وكنت حاسس أن كل المصريين معايا هناك، والشعب شارك في نجاحنا في زيارة نيويورك وقالوا للناس ''السيسي مش لوحده، والشعب المصري قال للدنيا كلها أن ربنا واحنا جنبه والرسالة كانت واضحة في كل لقاء بعمله والمجتمع الدولي أغلبية ادركت أن ما حدث في مصر ثورة وهناك ناس مش عاوزة تصدق''. وفي تقليد جديد طالب السيسي من قائد طابور العرض بتأدية تحية عسكرية لشعب مصر، وقال إن ''الشعب كان له ملحمة جديدة في مشروع قناة السويس الجديدة والذي جمع الأموال في 7 أيام والشعب أقبل على شراء شهداء قناة السويس بدافع وطني وليس قيمة الفائدة، وممكن نعمل مشروعات تانية زي دي''. واستطرد :''التحرك الأخير في الأممالمتحدة خلاني اتكلم مع كل الناس وأنا حاسس أني مش لوحدي وأن التحرك دا يخصنا احنا كشعب واحنا مش ورا منه احنا جنبه وقدامه''. وأضاف :'' الهدف كان من الزيارة هو اننا نقدم للعالم كله مصر الجديدة وعملنا لقاءات مع شخصيات كتيرة جدا رؤساء دول وسياسيين واعلاميين وغيرهم ، وكنا عاوزين نوضح النقاط اللي هما عاوزين يعرفوها وعن خريطة طريق مصر ودورنا اتجاه بلدنا والمخاطر الموجودة في المنطقة والناس سمعتنا كويس وكانوا منتبهين لكل كلمة ومتفهمين لكل كلمة ومقدرين قوي لدور مصر في المنطقة والدور دا مكنش هيكون موجود لو الشعب مكنش اتحرك في 30 يونيو''. وتابع :'' قولت للناس مفيش حد يقدر يعمل حاجة ضد ارادة الشعب المصري، وقولت لأحد الشخصيات الكبيرة ان مفيش حد هيقدر يعمل حاجة الا لو كان في توافق مع ارادة المصريين''. وقال :'' لابد أن يشارك الشباب معانا ودا مش مجاملة للشباب ودا حقهم علشان نضمن اننا هنسيب بلدنا في ايد ناس قادرة انها تكمل البناء، وحرصنا خلال الفترة الماضية على ضم أعداد كبيرة من الشباب ضمن المجالس المعاونة عملناه في الرئاسة وهنعمله في الوزارات والمحافظات، واطالب جميع المؤسسات ان يضموا معهم الشباب علشان نكون مطمئنين على مصر بكرة''. وتابع :'' البرلمان سلطة كبيرة جدا والدستور اعطاه سلطان كبير ولابد أن نعطيه قوة رشيدة ووطنية وحكيمة علشان ميبقاش في مشكل ونضمن مزيد من النجاح، وخلال شهور قليلة سيتم عقد الانتخابات البرلمانية''. وأضاف :'' احنا محتاجين من الاعلام نخلي بلنا من كلامنا ولا نسيئ لاحد لأن لو ردينا على أي حد أساء لنا فكدا احنا بنسيء لنفسنا، ويجب ان نعطي المثل تقول ان في مدرسة في الاعلام المصري متفردة جدا بكرم الاخلاق وعدم الإساءة''. وتابع :'' اقول لكل الاشقاء المحيطين بينا أن الوقت اللي احنا فيه دا وقت التنسيق والتعاون والتلاحم خاصة ان في خطر شديد ودا انا قولته من سنتين ولكن بفضل الله وبفضل الشعب وجيشه هو في اقل حالته في بلدنا ودا مش معناه اننا لا نحاربه ولكننا لا نغفل ابدا لحماية بلدنا ...وانشاء الله تحيا مصر''.
