فى صفحتى على الفيس بوك اجد سيلا من تحذيرات الاصدقاء الذين اعرف معظمهم شخصيا واقلهم من خلال الفيس فقط لا غير وكلهم يحذروننى انا وباقى الاصدقاء المشتركين من الحديث بانسانية عما يحدث فى غزة ووصل الامر با حدهم ان يتهكم من صور اشلاء اطفال غزة وينذرنا بالويل والثبور اذا رق قلبنا لهم وقلنا كلمتين عن الانسانية والنخوة ولم يكتف البعض بذلك بل هددوا كل من يتعاطف مع غزة واطفال ونساء وعجائز غزة بالغاء طلب الصداقة مع اتهامات بالانتساب للطابور الخامس وخرفان الحاج مرسى والذى منه طيب يا سيدى منك له حنسمع الكلام بس قولى الاول وجهة نظرك بيقولك ان مصر شافت كتير وقليل من غزة وبتوع غزة من قادة حماس صدروا لنا الارهاب ونشروا الدم والدمار وسمعنا ببركتهم عن الجهاد والقاعدة وانصار بيت المقدس وجند الله وما انزل الله من منظمات وحركات تكفيرية ومتطرفة وبيقولك كمان ان حماس صنيعة امريكا واسرائيل وقطر والقوى الاستعمارية بالعالم وان المقصود هو جر مصر اللى طالعة لقدام للمستنقع والحرب فى ارض وعشان ناس ما يستهلوش وبيقولك ان ده كله جزء من حاجة اسمها الحروب الرابعة واقطع دراعى ودراعى القارئين والسامعين ان كان حد فاهم يعنى ايه اللفظ ده واللى بيرددوه زى البغبغانات الحكاية ببساطة يا سادة وزى ما كانت بتقول امى وامك انا واخويا على ابن عمى وانا وابن عمى على الغريب فمابالك ان كان المقصود هم اليهود الظلمة ومش حد من اخواتنا او ولاد عمنا مش مقتنع حاقولك النهارده فى غزة وبكره عندك ان شاء الله اذا سكت وبصيت تحت رجلك وقلت والله يستاهلوا دول اسخم من اليهود والله بيخلص ابدان على ابدان ويا رب يولعوا بجاز 80 كلهم مرة واحدة هو ده تفكيرك يا امور يا للى عاملى بترجع امجاد ناصر يا قومية ناصر يا عربية هو ده تمامك يا امور يا للى عاملى غضنفر العرب وال ايه مصر حترجع اقوى مما كانت مصر كبيرة ايوه بس لازم تفكر لقدام مش تحت رجليها ولا زم تعرف ان امن امتها العربية هو جزء من امنها القومى ومش معنى ده انك تحارب وتعمل سبع رجالة فى بعض وتقول حنحرر فلسطين فى بدل الطريقة الف وانت سيد العارفين زى ما اتعلمنا من خبرا الاستراتيجية اللى بقوا فى مصر زى الهم على القلب وان كان الكلام ده مش عاجبك وشايفه مجعلص حبتين خليك انسان يا اخى وخللى عندك شوية مروة ونخوة وشوف اللى بيحصل مع اطفال غزة وكانك يا اخى بتشوف مسلسل من مسلسلات رمضان وتتاثر بيه وسا عات بتعيط زى العيال الصغيرة واسخم خليك بنى ادم زى بنى ادميين اوروبا والعالم اللى بيطلعوا كل يوم فى مظاهرات واحتجاجات وهما بعيد عن غزة بالاف الاميال ومش زينا مسافة السكة