بيّاع الورد على ناصية شارع قلبك عمّال بيدلل بالعناقيد وغيطان روحك ما بقتش بتطرح ورد جديد زى الأوّل وشعاع الضىّ اللى ف صدرك مش نفس شعاع الضى اللى ف صدرك من عمنوّل وأنا مش مجنون علشان أتسوّل من كف أبالسة قلبك لحظة نور علشان أتحوّل لوابور جاز أو كلب بيضحك على برواز مش متعلّق أو قطّ مبلّق داير يرمح بين دهاليز الصدر البور أو طيره بتهتف وسط طيور قصر الحاكم أنا مش مجنون علشان أتحوّل لملاكم همجى وسفاح أنا مش مجنون علشان أتحوّل وياكى لقبّاض أرواح