شن مناصرو الرئيس السابق مبارك على صفحات الفيس بوك هجوماً ضد أيمن نور رئيس حزب الغد الجديد بعد قرار محكمة النقض أمس بحرمانه من الترشح لانتخابات الرئاسة بسبب التزوير في توكيلات أعضاء حزبه عام 2005 . ونشرت صفحة "أنا أسف يا ريس:" يعني إحنا نبقي أكبر دوله عربية ويبقي رئيسنا اسمه أيمن وكمان مزور ورد سجون وفي تعليق آخر:" كداب ياأيمن كداب كبير ..عايز براءة من التزوير..هو انت يابني فاكرنا حمير..ياسبوت عيب..قلت النظام منك بيخاف..أصلك برئ قلبك شفاف..ياعم نام شد اللحاف..والله عيب..نفسك ف يوم تصبح رئيس..لامؤاخذه بلاش تهييس اتغطي..أحسن م الكوابيس..وكفايه عيييييب". كما نشرت صفحة "فريق دفاع المحامين العرب عن مبارك" مجموعة من المعلومات حول تاريخ أيمن نور في شكل تهكمي حيث قالت عبر الفيس بوك :"أبو شادي ..اللي هوه الحاج ايمن ضلمة..هو من مواليد 5 ديسمبر 1964..من قرية نبروه .طبعا كلنا عارفين إنها قرية تشتهر بصناعة الفسيخ عشان تعرفوه ريحته كويس ..مش حنقول انه قام بتزوير توكيلات تأسيس حزب الغد (عشان ميقولش بنفتري عليه) ولا حنقول ان ابنه شادي الغشاش ( طالب في معهد سينما ) ونقارن بين التربية الجميلة لطنط جميلة إسماعيل او بين التربية الراقية الانجليزي للسيد جمال مبارك من قبل سيدة مصر الاولي السيدة سوزان مبارك ( طبعا فرق التربية واضح للجميع ) لا حنقول حاجة بسيطة جدا ومحدش يعرفها غير الحاج أيمن ضلمة شخصيا ....!!الحاج أيمن ضلمة من حوالي 15 سنة تقريبا في أواخر التسعينات قام بفتح مكتب لتمرير المكالمات التليفونية لأمريكا في حي الزمالك وكان بيسرح العيال السريحة اللي تبعه تلف على البيوت توزع كروت عن خدمات مكتبه واحد حيطلع لي كالعادة يشكك ويقول لي وفيها إيه مشروع حلال أحسن ما يسرق يا جدع خاصة انه اب ومسؤول عن اسرة ده متزوج وهو عنده 22 سنة ( كان عيل مراهق يعني وحواسة مسيطرة عليه) حقول له ماهو كان بيسرق وكان بيمرر المكالمات دي بعيد عن الكوبانية او مصلحة التليفونات ...!! ( شوفوه بقي طلع بكام من السبوبه دي وكمان مين اللي ساعده في توفير دائرة اتصال خاص سرية بعيدة عن مصلحة التليفونات علما بان الموبايل مكنش طلع لسه ولا الانترنت كان دخل مصر مما يعد انه كان يمتلك تكنولوجيا متقدمة !! ) . وأضافت الصفحة: "المهم عم أبو شادي راعي الفن والفنون لم مبلغ مادي محترم وقال لأهالي باب الشعرية الشرفاء انه حيعمل لهم تمثال للفنان العظيم محمد عبد الوهاب يوضع في ميدان لتجميل الحي العريق المهم باب الشعرية كلها تجار وناس طيبة لمت له فلوس والناس متخيله أنها حتشوف تمثال على غرار نهضة مصر أو تمثال رمسيس المهم الحاج أبو شادي لم القرشنات وراح لفنان شاب كده قال اعمل لي تمثال لعبد الوهاب المهم الفنان ده عمل التمثال في شقة او بدروم في حين ان النحت الميداني علي حسب معلوماتي يجب ان ينفذ في مكان مفتوح لمراعاة النسبة والتناسب وطبعا الفنان خد مبلغ صغير جدا مقارنة بما ضربه الحاج ابو شادي في جيبه..!! وطبعا كلنا شوفنا ( ده لو اصلا حد قدر يشوف ) المهزلة اللي اسمها تمثال عبد الوهاب شيء لا يمت للنحت الميداني ببصله وكمان دليل علي انه ضحك علي اهل الحي !!وطبعا كلنا عارفين ان زوجته راحت البيت الابيض هيومذيعة العاشرة مساء للاجتماع مع الحاجة حلاوتهم (كونداليزا رايس ) والحاج بوش الابن وهات ياذم في مصر ...!!وفي الاخر اول ما طلع من السجن راح مطلقها ( بجد شخصيات غريبة ) يحترف الكذب .. قال ان حد رمى عليه مادة حارقة وهو اصلا كان الشيشوار لسع راسه وطبيبة التجميل فضحته ..( ربنا ستار حليم بقي مش عاوزين نفضح حد ) المهم انه كان بيقول انه عيان وتم الافراج عنه صحيا من السجن ..! وبقدرة قادر جت له الفوقه والصحة ردت له وبقي يقدر يسافر ويروح ويجي وكمان يعتصم في التحرير وتحت بيت شهيد البانجو في الإسكندرية ( عيان ازاي بقي ) ". وتابعت الصفحة: "المهم البيه قدم استشكالا للمحكمة عشان يلغي الحكم الصادر ضده والذي يحول ويمنعه من الترشح لمنصب رئيس الجمهورية او مباشرة اي عمل سياسي والحمد لله قضاء مصر الشامخ قبل الالتماس شكلا ولكنه رفضه موضوعا ً ومعلش بقي هارد لك يا حاج ابو شادي تعيش وتاخد غيرها"! وختمت الصفحة تهكمها بتوجيه رسالة ل"نور" :" يا أبو شادي لن تكون رئيس مصر عارف ليه لان أنت أخرك تكون رئيس نادي!!وكمان مش اي نادي .....ممكن نادي المزاريطة ده لو وافقوا عليك اصلا".
