أحيانًا يموت أشخاص لهم معانٍ في حياتنا، تأثرنا بهم وأثرنا فيهم، لا نعلم ماذا كانوا يخبئون داخلهم، وموتهم المفاجئ منعهم من كتابة وصية مسبقة، الموت هو الحقيقة الوحيدة في حياتنا، كل منا قد يخرج من بيته وقد لا يعود. إياك أن تظلم، فالظلم ظلمات يوم القيامة.. ماهي وصيتك قبل الموت؟ حاولت "البوابة نيوز" عرض بعض الوصايا لشريحة من الشباب دون أسماء ولا تفاصيل عن حياتهم.. "وصيتك في كلمات" فقال أحدهم: تقولوا لأبويا وأمي كنت بحاول أكون ذرية صالحة على قد ما أقدر وكان نفسي أكون حاجة تشرفكم وأسألو ربي أنه يغفرلي ويرحمني ويسكنه فسيح جناته. وتقولوا لكل الناس اللى عرفتني لو كنت استفدت مني حاجة أسأل الله لي أنها تكون صدق جارية وأفتكرني في دعواتك في كل صلاتك إن ربنا يسامحني ويغفرلي ويسكني فسيح جناته دون حساب، ومحدش يزعل مني لو كنت في يوم زعلته، وتقولو لحد غالي عليا أوي أوي مش ممكن اتخلى عنك طول ما انتي محتاجني وكان نفسي أخليكي أسعد زوجه في الدنيا بس ربنا ما اردش أكمل حياتي. آخر حاجة عايزها كل واحد يعرفني كويس وسافر يعمل عمره يعملي عمره معاه، نسيت أقولك تقولو لك الناس إني عمري ما أقصدت أزعل حد أبدًا. وقال شاب بالثلاثينيات أوصي أهلي بسداد جميع ديوني إن وجدت، مفيش عزاء في سرادق ولا أي شكل من أشكال البذخ في العزاء، لو ليا تركة تتوزع بالشرع ويقتطع جزء منها لأوجه الإنفاق على الأيتام، أوصي أهلي بود وصلة الرحم مع زوجتي إن لم يكن لي أبناء، يتذكرونني دائما ويسمحوني على أي شيء غلط فيهز وقال آخر: محدش يعيط عليا واطلب من أبويا وأمى أن يسمحونى وتوب لربنا ووصيتى أن أهلي يخلوا بالهم من بعض. وشاب بأوائل العشرينات وصيتى: ادعولى كتير باخلاص لانى قصرت كتير في حياتى ونفسى ربنا يغفرلى ويحاسبنى برحمته وكرمه وقال آخر اعتقد أن هتبقي وصيتي اني كل اللي بحبهم ويحبوني ييجو يزوروني كل يوم جمعة في المقابر شاب بأواخر الثلاثينات: وصيتى الفلوس اللى شايفها تتوزع على دور الايتام وقالت أم مش هاوصي اكتر من أن يخلو بالهم من ياسين ابنى وعلي فكرة فعلا دي وصيتي كل يوم لامي واخواتي لما بسيب عندها الولد الصبح وقال شاب بمقتبل العمر محدش يزعل عليا ويقروا قراءن بس واهم حاجة والدتي ووالدتي ميزعلوش ويفتكروني بالخير،أن أي حد زعلتوا يسامحني. وقالت فتاة وصيتي محدش ينساني بالدعاء شاب صعيدي اتدفن في بلدنا (الصعيد).. ومايمشيش في جنازتي حد مش بحبه... وأمي ماتزعلش جامد. وإخواتي يشدوا حيلهم في دراستهم ويبقوا حاجة كبيرة، والثورة تنجح والبلد حالها يكون أفضل. وقال كاتب يترحموا على ويسامحونى إن أخطأت في حقهم ويعملوا لى صدقة جارية قرآن دائم قراءة كل سنة أو سبيل باسمي، أو يخصصوا لى حجرة من فلوسى في أطفال 57357، وتجهيزها يستفيد بها أطفال السرطان وقال آخر: هوصي يدفعوا الديون اللي عليا والناس اللي ظلمتهم يسامحوني وهوصي زوجتي تعتني بأولادي وأمي وربنا يصبرها لازم يعرفوا إني بحبهم قوي وأحدهم قال: أسدد ديوني فقط وقال آخر: افتكرولوي حاجة كنت بقولها وضحكتكم عشان الضحكة ثواب.. وقولوا لأمي اني بحبها أوي وقولوا ابويا ادعيلي وقال آخر: والله كلنا عارفين بالموت لكن الإيمان بيه هو الأصعب ولو فعلا وصلنا لإحساس أن الموت جاى في أي لحظه فأظن أن الأولى أنك هتعمل إيه لنفسك قبل ما تموت.. والإجابات المعتاده هتبقى ادعولى سامحونى خدو بالكوا من أسرتى.. لكن أنا أحب أضيف فوق الإجابات المعتادة حجوا لى إن استطعتم وخذوا من الموت عبره لحياتكم.
