تنشر "البوابة نيوز"، نص المكالمة التي يكشف عنها ، الكاتب الصحفي عبدالرحيم علي عبر برنامجه "الصندوق الأسود" علي فضائية القاهرة والناس في التاسعة من مساء اليوم الخميس. المكالمة دارت بين شخص يدعي محمد ووالدته وشقيقته مريم، ومحمد بطل المكالمة هو محمد الفاتح نجل ممدوح إسماعيل عضو مجلس الشعب السابق، محامي الجماعات الإسلامية. أكد محمد لوالدته أنه يقيم في رابعة مع المعتصمين، مضيفًا أنه وزملائه قتلوا ضباط كثيرين ، وأن واحدًا قتل 9 ضباط لوحده حسب ما أكد في المكالمة. وجاء في نص المكالمة.. الوالدة: أيوه يا محمد محمد :أيوه يا ماما الوالدة: عامل إيه أخبارك إيه محمد: الحمد لله أنت عاملة إيه الوالدة: الحمد لله .. إنت عامل إيه يا بابا محمد: بابا عامل إيه الوالدة: ها محمد: بابا عامل إيه الوالدة: بتقول إيه يا محمد محمد :بابا عامل إيه .. بابا عامل إيه ؟ الوالدة: كويس الحمد لله كويس محمد: هو فين في البيت ولا برة ؟ الوالدة: لا هنا ف البيت .. إنت عامل إيه؟ محمد: طيب وعمر عامل إيه ومريم ؟ الوالدة: كويسيين.. إنت لسه في المكان اللي عندك ده؟ محمد:إيه؟ الوالدة: لسه في المكان اللي عندك؟ محمد: أه شغال هنا لحد الصبح .. وفيه كماين حوالينا كتير وحظر التجول الوالدة: مفيش أخبار عن الناس اللي كانت معك ولا أي حاجة من هنا أو هنا محمد: حسام أبو البخاري ده بقا اللي شوفناه الوالدة: ماله؟ محمد: بعد ما مسكوه أدوله طلقة في بقه الوالدة:: في بقه!! محمد: آه أدوله طلقة في فكه من الجنب كده .. إذا كنا شوفناه يعني معرفش ده هيبقى فين الوالدة: أه محمد: بس احنا الحمد لله.. الحمد لله فيهم خساير كتير أوي فيهم خساير كتير أوي والله الوالدة: هما؟ محمد: أه كتير الوالدة: إيه عندهم إيه يعني ؟ محمد:كتير كتير .. واحد معانا هنا قتل 8 9 ضباط لوحده الوالدة: إيه؟ محمد: قتل 9 ضباط لوحده الوالدة: كام؟ محمد: محمد الوالدة: ماتوا ولا أصيبوا؟ محمد: أه أه أه ادبحوا خالص الوالدة: إنت كويس في المكان اللي إنت فيه ده مرتاح في؟ محمد: أه أهالحمد لله الوالدة: استعين بالله كده وصلي كده محمد:هو الدنيا برة الأخبار فيها إيه بس عشان أنا في رابعة؟ الوالدة: معلش الحمد لله رب العالمين محمد: الدنيا فيها إيه بقولك عشان أنا معرفش .. معرفش الأخبار مفيش نت هنا ولا تلفزيون الوالدة: مفيش عندهم تلفزيون ؟ محمد: لأ لأ الوالدة: ليه؟ محمد: يا ماما خلاص احنا قاعدين في مكتب كده الوالدة: في مكتب يعني .. طيب.. خدي يا مريم خلي أبوه يكلمه يقوله مريم: أيوه يا محمد عامل إيه؟ محمد: الحمد لله إنت عاملة إنت يا مريم؟ مريم: الحمد لله كويسة أخبارك إيه؟ محمد : إيه الأخبار؟ مريم: كويسة الحمد لله محمد: خلي بالك من أمك وإخواتك مريم: بتقول إيه ؟ محمد: خلي بالك من أمك وإخواتك مريم: وأنت خلي بالك من نفسك محمد: ماشي متقلقيش مريم: في حد هنا من أصحابك هنا جراله حاجة؟ محمد: أنا معرفش هما فين أصلًا مريم: إيه؟ محمد: أنا معرفش هما فين أصلًا مريم : طيب خلاص ماشي محمد: ماشي مريم: هبقى اتصل بيك كمان شوية أطمن عليك محمد: ماشي هخش الحمام بس كده استحمى وأبقى أكلمكم مريم: طيب خلاص ماشي لمشاهدة المكالمة، تابعوا برنامج "الصندوق الأسود" عبر فضائية "القاهرة والناس" في التاسعة مساءً.
