عرض الكاتب الصحفي عبد الرحيم على، رئيس تحرير موقع "البوابة نيوز" ومقدم برنامج "الصندوق الأسود" على قناة القاهرة والناس، الجزء الثاني من مكالمة بين سيدة تدعى منار وأبو العلا ماضي بخصوص جلسة الحوار الوطني والتي جاءت: منار: بإمارة أيه النهاردة داعين عمرو موسى على الحوار.. اللي هو بيمثل مين؟ أبو العلا ماضي: كل اللي اتقال اسمه مرشح رئاسي دعوه منار: ماعدا البرادعي؟ أبو العلا ماضي: دعوه ولكنه لم يذهب. منار: ولامؤأخذة.. أبو العلا ماضي: كاتبين حمدين صباحي والبرادعي وأيمن نور غابوا يبقى واضح أنهم دعوا لما يقولوا غابوا يبقوا دعوا منار: طيب ونهى الزيني بتمثل مين نهى الزيني أبو العلا ماضي: واحدة بالكتير قاضية بتاعة تزوير وكتر خيرها متفهمش أي حاجة في أي حاجة غير برة الموضوع ده منار: بقلك يعني نا عاوزة أعرف دول بيمثلوا ايه أبو العلا ماضي: ظواهر صوتيه فقاقيع على وجه المجتمع منار: وسكينة فؤاد تدعى للحوار الوطني يانهار أسود أبو العلا ماضي: اه مهي دي صديقة يحي الجمل خدي بالك الاجندات الخاصة بتدخل في الموضوع أقصد صديقة ياعني علاقتها بيه كويسة يعني ست شريفة مش قصدي حاجة منار: أيوة.. اه طبعًا منا عارفة أبو العلا ماضي: زي اللي واقع عليها زي حسن نافعة.. أنا أقصد إن في صداقات من النوع ده يعني اللي هو منار: اه وجايب حسن نافعة بيمثل مين حسن نافعة.. أنا عاوزه أعرف ياعني أنت لما تعمل حوار وطني لازم تجيب ناس ممثلة لحاجة.. ممثل لمين هو حسن نافعة أبو العلا ماضي: هو أنت متصورة إن في عقل عميق قاعد ورا الحوار ده.. اللي قاعدين اللي لابدين ورا الدره دول بيشتغلوا يقعد معاهم خمس دقايق يقولهم رتبوا وبلغوني.. وأنا أحضر أرأس الجلسة وأقول كلمتين الافتتاح وأدير الحوار منار: لأ أنا رأي إن دوره أوسع من كده يابو العلا أبو العلا ماضي: لا هو دوره يجيب ناس يعملوا الدور ده هو ميقدرش معندهوش قدرة على التركيز معندهوش ثقة نفسية وعقلية يعمل الجهد ده منار: واحنا لموأخذذة كنا بنمشى مبارك التمانيين هلشان يجلنا واحد تمانيني يدير الحوار الوطني.. مم.. في إيه ياجماعة يعني حاجة مزعجة أوي أنا مستفزة جدًا من اللي بيحصل ده لآنه مش منطقي مش قايم يعني مافيش معايير واضحة.. تقولي قوى سياسية أقلك ماشي تقولي مثقفين أقولك ماشي لكن سمك لبن تمر هندي مش فاهمة.. يعني أي حد لمع اسمه مثلاُ مش فاهمه أبو العلا ماضي: متفهميش مهو ده جزء من عيوب هذا النوع من الحوارات معندهوش معيار موضوعي منار: اه وبعدين لو حتعزم حد من الوسط أبو العلا ماضي: عارفة زي ما في المحكمة العسكرية لما أخدت براءة قولت.. ورغم اني واخد براءة لكن معترض على فكرة المحكمة العسكرية مش من حقه يحاكمني... وأنا راجل مدني اتحاكم قدام القاضي الطبيعي يعني مكنش مبرر اطلع أقول بما إنني أخدت براءة شكرًا معنديش اعتراض، أنا قولتلها أنا معترض على المبدأ نفسه المحاكمة دي محاكمة عسكرية، رغم إنني أخدت براءة مدهاش مشروعية إنها تحاكم المدنيين يعني عاوز أقول برغم إن مثلو حد مننا لو كانوا حتى دعوني، أنا كنت أطلع أقول نفس الحكاية أيه المعايير اللي بيختص بيها الناس منار: صح.. ياعني عارف حاجات عجيبة جدًا الأسامي بصراحة تضحك والأسامي بتاعة ممدوح حمزة تضحك أكتر أبو العلا ماضي: اه راجل مخبول رسمي بقولك يعني مش مستعد.. البت قولتلها بصي ده راجل مخبول وأنا مش عاوز قالتلي هو مسافر اليوم ده مش حيجي.. يوم الحد اليل دعوا فيه للاجتماع ده منار: أمم أبو العلا ماضي: للأسف أنا بقلك إن سمعته التي تلاحقه منذ كنا في النقابة أن هو مرتشي منذ كنا في النقابة أنتي عارفة في النقابة كان عندنا كل معلومات المهندسين والمكاتب تصب عندنا كل زمايله قالوا مرتشي، لحد بقولك حسام قالي أنا معايا واحد صديقي بيعمل مشروع تكيف مرضيش يستلم منه إلا لما ركبله 6 تكيفات في بيته رشوة عشان يستلم منه مشروع التكييف انتي عارفة الاستشاري ده هو اللي يصرف الفلوس الاستشاري في المشروعات الهندسية هو اللي بيستلم من المقاول لما يمضي تروح تاخذ الفلوس من صاحب من المالك.. المالك ده شخص شركة حكومة الاستشاري مهمه كده.. فلما يجي يخلص تركيبات التكييف كلها مرضيش يستلم منه عشان يوصل لمستحقاته غير لما راح ركبله 6 تكيفات في البيت أو الشقة مش فاكر مكتب ولا البيت رشوة فاستلم منه وطابق المواصفات، وخلاص وراح صرف فلوسه دي تجربة شخصية من الراجل زميل حسام خلف أنا بقولك وإحنا في البتاع قالوا ياما كان بيدي رشاوي عشان ترسي عليه العطاءات والاستشارات وكده منار: ماشي يافندم اتمنالك نوم هادىء وربنا يوفقك بكرة وابقى طمني عليك أبو العلا ماضي: ماشي ياجميل ماشي يافندم تصبح على خير مع السلامة منار: مع السلامة
