افتتح الدكتور عبد الرحيم علي رئيس تحرير "البوابة نيوز"، حلقة برنامجه "الصندوق الأسود" المذاع على قناة "القاهرة والناس"، أمس الأحد، بقوله "لن نخشى أحدًا ولن يستطيع أحد تهديدنا، حيث إننا وضعنا الله في قلوبنا والجماهير خلفنا لمواجهة الإرهاب"، مؤكدًا "إننا وقفنا في وجه الإرهاب في عزّه". وتساءل خلال حلقة اليوم الأحد من برنامج "الصندوق الأسود": لماذا طلب مني بعض رموز النخبة المصرية عدم استكمال نشر فضائح تخابر حركة 6 أبريل وآخرين مع جهات أجنبية؟ مؤكدًا استمراره فضح الجواسيس، وأشار إلى أن نشر تسجيلات التخابر لحركة 6 أبريل لن تتوقف إلى بمقتله شخصيًّا أو سجنه. وكشف عن نص المكالمة بين الدكتور مصطفى النجار وعبد الرحمن يوسف نجل الشيخ القرضاوي، والتي أكد فيها النجار لابن القرضاوي أنهم سرقوا ملفاته النسائية التي تواجدت بمبنى أمن الدولة بمدينة نصر وننشر نص المكالمة التي جاءت على النحو التالي: مصطفى النجار: إيه يا عبد الرحمن بيه عبد الرحمن يوسف: إيه يا شقيق مصطفى النجار: يعني يعني كل مكالماتنا متسجلة أنا وسيادتك.. يا كبير يا كبير يا علاقاتك النسائية يا كبير.. كاتبين عنها يا صايع.. يا علاقاتك المشبوهة يا كبير عبد الرحمن يوسف: قول لي كاتبين إيه قول لي مصطفى النجار: كاتبين زفت يا كبير.. جايبين تاريخك من يوم ما اتولدت عبد الرحمن يوسف: طب اديني الملف ده يا.... حالًا مصطفى النجار: أدهولك فين اتاخد مني من الشرطة العسكرية وملف الجمعية الوطنية كمان.. بس ماتقلقش اللي الشرطة العسكرية خدته هيتحرق.. واخد بالك متسلمش للنيابة.. اتاخد مننا وضربونا كده حبه.. بس طالع بشويه حاجات كده عبد الرحمن يوسف: معاك حاجات مصطفى النجار: آه بس الملف بتاعك اتاخد.. آه بس يا كبير لقيت ملف الجمعية الوطنية ومكالماتي أنا وعبد الجليل مصطفى وشتيمتنا على البرادعي.. ويكليكس ويكيلكس يا كبير.. القصة معاك غريبة يا كبير عبد الرحمن يوسف: طب احكيلي بقى.. احكيلي قول لي مصطفى النجار: الكلام بيقولك علاقات نسائية بنساء مشبوهات.. في مصر الجديدة وفي مدينة نصر وقصص كده وسهرات وكاتبين إنه ليس له اتجاه إسلامي بل منحرف الخلق.. يا لهوي يا لهوي يا كبير.. لأ ده أنا بكره لازم أعمل حلقة مع منى الشاذلي.. ومعايا ملف منى عبد الرحمن يوسف: انت خدت حاجة معاك مصطفى النجار: أيوه خدت خدت عبد الرحمن يوسف: خدت إيه مصطفى النجار: خدت ملفات وورق ناس وحاجات هربناها وخدنا 4 هاردات كمبيوتر وفلتنا بيهم. كما كشف الستار عن نص مكالمة جرت بين القياديين بحركة شباب 6 أبريل أسماء محفوظ ومحمد عادل، أثناء اقتحام مقر أمن الدولة، حيث طالب عادل، أسماء محفوظ بحشد المواطنين أمام مقر الجهاز. * أسماء محفوظ: يا محمد.. آلو.. عامل ايه؟ * محمد: إزيك يا أسماء.. ايه أخبارك.. بقولك ايه عايز منك خدمة * أسماء محفوظ: اتفضل * محمد: احنا دلوقتي عند مقر أمن الدولة في مدينة نصر * أسماء محفوظ: تمام.. عندك كام واحد جنبك * محمد: معايا كتير.. أكتر من 7 تلاف واحد * أسماء محفوظ: هايل * محمد: بقولك ايه معايا عبدالرحمن عز ومصطفى ماهر والناس بتاعتنا.. محتاج بس ان انتي تعملي حشد على صفحتك * أسماء محفوظ: طب خلي بالك من المداخل والمخارج اللي هي تحت الأرض دي * محمد: منا عارف منا عارف.. احنا بس محتاجين حشد فاهمة.. كل ما يكون العدد كبير كل ما يكون فيه ضغط أكبر * أسماء محفوظ: وأنا طالعة عالهوا كمان ساعة وهقول ده.. في الأوربت.. وهخش كمان على الصفحة واجبلكم الناس. وأذاع مكالمة أخرى بين القيادية بحركة 6 أبريل أسماء محفوظ وشخص آخر يدعى سوكة، والتي طالبت فيها محفوظ من سوكة أن يبحث لها عن ملفها داخل مبنى أمن الدولة بمدينة نصر. وننشر نص المكالمة التي جاءت على النحو التالي: أسماء محفوظ: الو ايوه يا باشا سوكة: انتي متأكدة ان في حد موجود في لاظوغلي اسماء محفوظ: اه في ناس كتيرة أوي هناك سوكة: مين من الناس بتوعنا هناك اسماء محفوظ: معرفش.. أحمد بتاع رصد قالي وكلمت محمد عباس قالي ان الناس بتوعنا هناك كتير سوكة: خلاص ماشي اسماء محفوظ: والنبي دورلي على ملفي والنبي يا سوكة سوكة: خلاص ماشي أكيد يعني. كما أذاع مداخلة جديدة بين منسق عام حركة شباب 6 أبريل السابق أحمد ماهر وأحد النشطاء السياسيين، الذي لم يكشف "علي" عن هويته. نص المكالمة: ماهر: آلو س: إيه يا بني لسه مجاليش حاجة، حاجتك جاتلك ماهر: لأ مافيش س: والنبي شوف الحاجات اللي مع مصطفى.. إنت فين أساسًا ماهر: أنا في 8 أبريل س: 8 أبريل وليك عين ليه مش في مدينة نصر ماهر: أنا لسه جاي من بنها أصلًا س: أنت كنت مع عمرو حمزاوي الصبح ماهر: ده احنا اللي عاملين الندوة دي أصلًا س: أنت حتدخل الحزب ولا أيه ماهر: لا يعم احنا اللي عاملين الندوة هناك في بنها 6 أبريل بنها س: طيب والنبي متجبليش سيرة 6 أبريل ده أمن الدولة كان قرفان منا قرف ماهر: الورق اللي معاك مكتوب فيه ايه س: الورق اللي معايا بتاع الاجتماعات بتاعة زمااان أيام معتصم ومحمد عبدالعزيز والشلة دي ماهر: هههههه س: وكان معايا ورق تاني كلها اجتماعات كلها محاضر اجتماعات ماهر: محاضر اجتماعات س: اه اه اه المهم أنا اديت الحاجات دي لسوكة عايز يحطها مع ملفات 6 أبريل...كده بص اعملوا لجنة فرز وابداو جمعوا الحاجة وكل حد ليه ملف يييييييي ماهر: وفين الحاجة اللي بيتكلم عنها راحت فين س: الحاجات دي سوكة على كلامه ان ان انهما معرفوش يخرجوها فصوروها على الموبايل اه والولد اللي أخدها أمين جدا وقلله أنا مش حديهم غير اللي يخصوهم فسوكا حياخدهم منه على النت وهيبعتهلنا ماهر: لا والنبي س: مخلاص بقا مهو النت بقى مش متراقب خلاص ماهر: وبعدين ياعني مهو كده مش صح س: قصدك اتصورت على الموبايل فممكن تنتقل كذا نسخة ماهر: أيوة نسخ كتير بقا وحتلاقي مصر كلها عندها النسخ دي س: أنا شفت مناظر كتير زي دي أنا نظريتي إن مصر كلها معاها نسخ من كل حاجة وكيري عندها مصايب والناس كلها عندها مصايب فخلاص حنعمل إيه أدي الله وأدي حكمته والناس مش حتبقى فاضية إنها تنشر حاجات شخصية فعلا المصايب السياسية كتير أوي لو في اي تفاصيل قلي وأان لو في حاجة حقلك ماشي. وعلق على مكالمة أحمد ماهر مؤسس 6 إبريل، والتي يطمئن فيها على بعض الملفات التي تخصهم وتخص الحركة، قائلًا: إن المصائب الشخصية لهم لو تفرغنا لها لاحتجنا ل"هارد تيرا" لتحميل الفضائح ووضعها على الفضاء، مشيرًا إلى أنه سيعرض عدد من الفضائح السياسية والتي منها التمويل والتخابر. وأضاف إن أحد الموقعين يطالب "علي" بوقف نشر التسجيلات، متواجد الآن في لندن له مكالمة، سيتم نشرها فور عودته، موضحًا أن الشعب المصري كله سيسمع ماذا فعل هؤلاء "الأوباش"، مؤكدًا أن هؤلاء لا يعنون بالثورة ولا بالثوار والناس النظيفة التي طالبت بالتغيير. وأوضح أن هؤلاء أنفسهم من يعترضون على إعلان الإخوان جماعة إرهابية، وهم من يقولون سننزل 25 يناير المقبل، وهم المتحالفون مع الإرهاب. وقال إن الشيخ الإخواني، يوسف القرضاوي كان ينفذ تعليمات الإدارة الأمريكية لتقسيم مصر، مطالبًا بألا يخرج علينا أحد ويقول إن "القرضاوي طيب". وأضاف أن هناك مكالمات أخري لا يجوز عرضها على الهواء، ولكن يوجد "يوتيوب" لعرض ذلك. وقال إن أجهزة الأمن لم تسرب ملفات لأحد، مضيفًا: هل كانت أجهزة الأمن متواجدة وقتها، وهل لو كانت متواجدة كانت سمحت لهم بالخروج بالملفات من أمن الدولة، الضباط وقتها كانوا في البيوت. وأكد أنهم هم من سربوا المكالمات لبعضهم، وأن كل من هؤلاء الأوباش اختلف مع الثاني باعه وسرب ما عنده من تسجيلات وباعها لجهات أخري. وقال: أقسم أن كل منهم كان يسجل للآخر، وكانوا غجر وباعوا بعضهم، وتهكم على زعمهم بأن "أجهزة الأمن تسرب"، مستطردا: "هي أجهزة الأمن حنفية هتسرب، وهو ده شغل أجهزة أمن وهتعمل الهطل ده". وأضاف أنهم خائفون ولذلك أحمد ماهر يقول لمحدثه في المكالمة "والحاجات إياها"، فرد عليه " قاله مع حد أمين بس اتصورت كلها وكل واحد له ملف هياخده، والواد قال مش هدي كل واحد غير ملفاته". وتابع: سمعتوا الملفات والمكالمات كانت مع مين، كانت معاهم هم، ولكنهم أوباش وباعوا الملفات للجهات وكل جهة باعتها لأخري، متسائلًا: مال أجهزة الأمن بالعفانة اللي انتو فيها؟. وأكد علي أنه في المكالمات القادمة سيعرض لهم قول أحدهم "أنا خايف من الملف اللي عند فلان، أنا هعرض الملف اللي عند فلان". واختتم بقوله "حسبي الله ونعم الوكيل، كل مواطن شريف يسمع الآن يقول حسبي الله ونعم الوكيل".
