صينية البطاطس باللحم من الأكلات التي تتعدد أصنافها، فلا تفوتي رمضان هذا العام دون أن يحل البطاطس باللحم ضيفًا على مائدتك.. المقادير: بطاطس لحمه مسلوقة بصل طماطم توابل (ملح وفلفل أسود وكمون) طريقة التحضير: التحضير: سلقت اللحمة مع بصل وحباية طماطم وورق لورا وحبهان وخرجتها من الشوربه وسيبتها على جنب نجهز البطاطس قطعتها حلقات مش تخينه ولا رفيعه وقطعت البصل طرنشات بردو بس تكون رفيعه (في صينية البطاطس بحب استعمل البصل الأبيض عشان مايبانش ويكون لونه حلو) حطي البصل في الصينية وملح وفلفل وكمون ودعكت البصل كويس بالتوابل ضفي البطاطس وقلبيهم بردو مع بعض كويس عشان البطاطس تاخد من التوابل والبصل حطي قطع من السمن البلدى في أماكن متفرقة من الصينية يعنى وزعيها. حطي معلقة زيت وبعدين رصيت اللحمه على الوش. كل ده لسه على البارد يعنى بعيد عن النار ونضيف عصير الطماطم. ونحطها على النار ونسيبها تغلى غلوتين. دخليها في فرن سخن لحد ما تستوى ووشها يحمر ويقدم بالهنا