سنيدة المرحلة كتروا، ظروتوا، عادوا همّ ع القلب ولا حسد، ظاهرة بيولوجيكتية خوخاتية بطيختية انتفخت ولفت ويا ساتر من المهالك والطقاقان والطرطشة، عمرو موسى، الشهير ب"عمورتي" شكله هيعملها، يخرج من الملة والهدوم احتجاجا على نحس جنابه، البعيد شبع من دور السنيد، سعادته انتفخ نفخ من هنا لأسوان من الشوق والانتظار في طابور الأحلام وعبده مشتاق ولسه مستني، قايم قاعد يأفف، إففففف، ييييييه ده نحس إيه ده، أطاطى سنيد، أعاند سنيد، أدخل الخمسين واتخمسن وأطبخ وأسوي دستورهم وبرضه سنيد، خلاص، مفيش أحاسيس، مفيش مشاعير، ناقص أصرخلهم: «أدونا فرصة ياولاد الكتاكيت».