يعني حصل إيه يعني لما الواد الغلبان علاء مبارك اتجوز من هايدي ابنة رجل الأعمال مجدي راسخ اللي اشتغل مع رجل الأعمال محمد نصير صاحب "فودافون" و هاستفيد ايه يعني لما تعرف ان مرات راسخ هي ميرفت قدري وجدها هو ابن خال عثمان أحمد عثمان واخت مرات علاء مجوزة شريف البنا ابن محمد البنا بتاع مجلس الشعب ...، ايه اللي انت هتستفيد كمواطن لما عرفت يعني ان بنت الجنزوري تكون مجوزة من واحد اسمه مصطفي حيزه وشغال مدير اعمال حسين سالم. وايه يعني لما مرات سيادة الفريق شفيق نزيهة الجمال تبقي عمة خديجة الجمال مرات جمال مبارك ، وايه اللي حصل يعني في الدنيا لما يكون زهير جرانة ابن خالة محمد منصور والمغربي وأحمد عز ، ومنير ثابت اخو سوزان مبارك يبقي جوز خالة انس الفقي ، والصدف ياما بتحصل يعني دي اكيد صدفة بحتة ان اخت رشيد اتجوزت أمين رياسة الجمهورية اللي في نفس الوقت اخ قنصل مصر في أمريكا. ، ويشاء ربك ان احمد فاضل رئيس قناة السويس مجوز ابنة لبنت عمر سليمان اتقوا الله بقي وسيبوا الناس في حالهم ، وانت ايش عرفك الناس دي كافحت قد اية علشان تتجوز بعض ..... ......يا ناس ياشر بطّلوا قر دي شبكة عنكبوتية متكلّفة ملايين!