تداول علي موقع التواصل الاجتماعي " فيس بوك" تسجيل صوتي للشيخ ابو اسحاق الحويني احد ابرز رموز التيار السلفي في مصر ينادي فيه بعودة الاسترقاق والعبودية لحل مشكلة الفقر في مصر ، وقال الحويني امام علي مايبدو انه حشد جماهيري ان الجهاد في الوقت الحالي هو فرض عين " نحن في زمان الجهاد ، الجهاد متعة الصحابة كانوا يتسابقون عليه " وتابع " هو الفقر اللي احنا فيه إلا بسبب ترك الجهاد مش لو كنا كل سنة بنغزو مرة ولا اثنين ولا ثلاثة كان هيسلم ناس كثيرون في الأرض واللي يرفض هذه الدعوة مش كنا هنغزوه وناخدهم اسري وناخد اموالهم واولادهم ونساءهم وكل دي عبارة عن فلوس" ثم قال ان كل واحد من الصحابة كان بيرجع من الجهاد وايده مليانة كان بيرجع معاه اثنين او ثلاثة شحطه وتلات او اربع نسوان و3 او 4 ولاد اضرب كل راس من دول في 300 درهم او دينار تلاقيه راجع بمالية كويسة لو هو راح يعمل صفقة تجارية ولا حاجة مش هيعمل الفلوس دي .. كل مايتعذر ياخد راس يبيعها ويفك ازمته ويبقي له الغلبة مش بس كده ده كمان هؤلاء الذين صاروا اسري منهم اللي هيسلموا.