انا مشكلتي بدات بعد ما كتب كتابي علي خطبيتي مساء الخير عليكم جميعا انا مشكلتي ابدات من يوم كتب الكتاب البنت الهادية المطيعة الي فيها كل الصفات الي بيتمناها اي شب في الدنيا اتحولت 180 اتغيرت بقيت مش قادر افهمها ومبقيتش زي الاول بقيت بتشكل ضغط عليا باستمرار وبااوامر امها الي على طول تقولها تعمل ايه وتعملش ايه وانا اخر الصف يعني مش مهم راي ومش مهم انا احب او مش عايز ايه اول حركة كانت تاني يوم كتب الكتاب لما عزمتها على الغدا قررت ممتها واختها تنزل معانا قلت مش مشكلة ورحنا مشوارنا وكلو تمام بعد كدا بقيت كل عزومة لازم حد يكون معانا في الاول ملاحظتش بس بعد تكرار الموضوع اخدت بالي الموضوع مش صدفة ولما سالتها قالتلي بيحبو يخرجو معانا قلتلها طيب انا عايز اخرج معاكي لوحدي لقيت ردة فعلها غريبة جدا قالتلي نخرج لوحدينا ليه وعايزهم يقولو عليا ايه استغربت يابنتي انا جوزك وبعدين انا مش هعمل فيكي حاجة وحشة ومش هنتاخر هنرجع في مواعيد الي ابوكي محددها ومع الاسف حتى لما اروح البيت عندهم عايز اقعد معاها لوحدي اتكلم مفيش فرصة نهائيا وفي يوم عديت عليهم في البيت زي مواعيدي كل اسبوع لقيتها لوحديها هي واختها تخيلو مردتش تفتحلي الباب وقالتلي ارجع وقت يكون ابويا وامي او اخواتي الشباب هنا اتصدمت فيها وفي تفكيرها هي ليه فكرت اني ممكن اعمل وحش او اسيء لسمعتها هي سمعتها دلوقتي مش سمعتي انا الي المفروض احافظ عليها ايه الرعب من اننا نفضل لوحدينا حتى لما ننزل السوق مفيش فرصة لازم حد معانا وياريت يقعد بعيد عننا لا لازم يكون معانا وفي التلفون تقولي وفر الفاتورة انت بتستهلك كلام كتير ايام الخطوبة مكنتش كدا كانت بتخرج من وراهم عشان تقابلني وكنا سهر باليل ع التلفون والصبح اوصلها الكلية وارجع اخدها ونتغدى او نروح مشاوير سوا ايه الي اتبدل ولا كان من ورا اهلها كل شيء متاح مش قادر افهم طب ايام الخطوبة مكنش ينفع نتكلم في مواضيع تخصنا كاازواج دلوقتي احنا مكتوب كتابنا ولازم نتكلم في مواضيع كتير لازم نقرب من بعض عشان الايام الي جاية مش هتسعفنا هتعدي بسرعة وهنتجوز وبعدها ايه هيكون مصير العلاقة ايه؟ انا اجلت الفرح بسبب وفاة صحبي واخويا ابن عمي اجلتو ستة شهور وممن تصرفاتها وتصرفات امها الي حصلت في عز حزني عليه قولولي الحي باقى من الميت واحنا نستعجل في الجواز عشان الناس وعشان مش هينفع تطولو كدا ودا غير توصيات الحاجة انها متردش عليا ولا تقابلني وتعتزر وبقيت بدل مبشوفها اسبوعيا بقيت كل شهر مرة وبالعافية ومبقيتش متحمس للكلام معاها وجوايا كتير نحيتها حتى لما ابعتلها مسج اقولها محتاجلك تبعتلي مشغولة عندي اصحابي عندي قرايبي خارجة مع معرفش مين الي بيحب حد بيكون معاه في اصعب المواقف ويااجل كل حاجة محسيتش دا منها ابدا حسيت انها كانت عايزة تتجوز وبس مش مهم البني ادم دا ايه ولا بيحس بايه انا محتار بين الي جوايا دلوقتي من نحيتها مبقاش زي الاول وبين العقد الي بيني وبين ابوها الطيب الي مش حابب ادايقو عشان مريض واسيب بنته دلوقي اعمل ايه؟
