تدوال النشطاء علي موقع التواصل الإجتماعي الفيس بوك حوارا مطولا للناشط السياسي تقادم الخطيب تحت عنان "تقادم الخطيب خد عصام العريان غسيل ومكوى على تويتر" ، وجاء في "تويتات" الخطيب التي وجهها لعصام العريان القيادي الإخواني "فاكر لما مرسي رفض النزول يوم 23يناير لما كنا في اجتماع الجمعية الوطنية في مقر حزب الغد وقال لأحمد بهاء شعبان دي دعوات مراهقة ، فاكر ياعصام لما اتفقنا يوم 31يناير فعيادة دعبد الجليل علي رفض لقاء عمرسليمان وبعدين ذهبتم وجلستم معاه واتفقتم على إخلاء الميدان ، فاكر ياعصام لما اتفقنا على عمل مجلس رئاسي مدني يوم12فبراير في حزب الجبهة وفيه طلب ذهب به البلتاجي ود حسام عيسي للمجلس العسكري. فاكر بعدها عملتم إيه ياعصام، ذهبتم للمجلس العسكري ورفضتم فكرة المجلس الرئاسي بعد ما اتفقنا جميعا عليها وقلنا لازم نعملها، فاكر ياعصام لما اتفقنا بحضور البلتاجي يوم2مارس في عيادة دعبدالجليل علشان نصوت بلا على الاستفتاء، وتأتي يوم صوتم بنعم وخدعتونا. فاكرياعصام ف اجتماع الجمعية في يوليو لما اتفقنا على تشكيل لجنة قانونية بقيادة أبو بركة للطعن على نتيجة الاستفتاء لمجلس الدولة ، فاكر ياعصام لما سعد الحسيني والبلتاجي وأبو بركة حضروا الاجتماع ده وبعدها ذهبتم للعسكر واتفقتم على على تكوين تحالف ضد هذا. فاكر ياعصام لما اتفقتم مع المجلس العسكري على وثيقة السلمي وبعدين رفضتموها بالمظاهرات وانت يومها كلمت دعبدالجليل وانت بتعيط فاكر ياعصام الوثيقة اللي كان موقع عليها التحالف ورفعها للسلمي بالموافقة وبعدها على طول فضحكم السلمي وأعطانا الوثيقة فاكر ياعصام لما اتفقنا على معارضتها لقانون الانتخابات وبعدها على طول أرسلتم خطاب ليحي الجمل موافقين على القانون من ورانا فاكر ياعصام لما رفضتم وثيقة السلمي والوثيقة والمبادئ الحاكمة للدستور وبعدين رحتي عند العسكر واتفقتم عليها وطعن تم فينا فاكر ياعصام لما رفضتم وثيقة السلمي والوثيقة والمبادئ الحاكمة للدستور وبعدين رحتي عند العسكر واتفقتم عليها وطعن تم فينا فاكر ياعصام لما ذهبتم للمجلس العسكري وهددتم إن البرادعي لو جاء رئيس وزراء حتولعوا البلد وبعدها اتصلتم بالجمعية علشان نقعد فاكر ياعصام لما عمر سليمان رشح نفسه ولما البلتاجي اتصل بالدكتور عبد الجليل ورجليه بتخبط في بعض من الخوف وبيقول ماتسيبوناش فاكر ياعصام لما الإعادة جت بينكم وبين أحمد شفيق واتصالاتكم بينا وتوددكم إلينا والخوف الذي كان يسكنكم والرعب فاكر ياعصام بعد ما حصل في اجتماع الفيرمونت واتفقتم مع الناس وبعدها أخللتم ما وعدتم واتصالاتك بالناس ياعصام فاكر ياعصام لما قابلتك في قناة الجزيرة في شهر يونيو ومارضيتش تطلع معايا علشان ما أفضحكش لرفضكم المشاركة ضد المجلس العسكري فاكرياعصام صفقة انتخابات البرلمان ف2005لما كان اللواء خالدثروت مفتش أمن الدولة بالمنيا ودلوقتي أتيتم به مديرا للأمن الوطني فاكر الصفقة والوسيط اللي كان فيها طبعا انت عارف العوا كويس ياعصام وعارف حاجات كتير يامعلم وعلاقة الكتاتني بخالد ثروت فاكر ياعصام مين اللي اقتحم السجون وهرب المساجين ولما البلتاجي قبلها بيوم قال حنخرج الرجالة بتاعتنا. وفوق ده كله لو كنت ناسي أفكرك ياعصام أنا كنت مقاطع الانتخابات ....وقبل ما أنسي السجن في انتظارك
