بمجرد أن اعلن المطرب الشعبي سعد الصغير أنه سيخوض انتخابات الرئاسة، ظن الكثيرون أنها كذبة ابريل ولكن تغير الأمر تماما، بعد أن حصل الصغير علي 55 ألف توكيل معظمهم من شبرا الخيمة، ليصدم الفيسبوكييون من جراء هذا الأمر وانطلق أحلي القلشات علي الموقف. - أنباء عن اجتماعات عصيبة بين حملتي دعم سعد الصغير وهياتم لتوحيد الصف - جمد كلمة قالها سعد الصغير : يعني انا جاي اهرج والمرشحين دول مش بيهرجوا - عمره ما قلب الناس في الفلوس باسم الدين ولا السياسة، بيشتغل وبيقبض اجرة على شغله.. وبيشتغل بذمة كمان - اللي بيرقص في الكباريهات احسن من اللي بيرقص في الجوامع - على كدا الحمير هيبقى لها حق التصويت - اللي بيرقص بجسمه احسن من اللي بيرقص بمبادئه - ابلغ تعبير عما وصلت الية الثورة ...سعد الصغير يتقدم لانتخابات الرئاسة تتقدمه فرقة حسب اللة - هو سعد الصغير هيطلع لوحده فى بوسترات الدعاية وللا معاه دينا الرقاصه ! - سعد الصغير مش شارب حاجة ولا بيهرج .. بيستغفلكوا زي كل المغفلين اللي بتستغفلكم ? - بعد ترشيح سعد الصغير وتجميعه ل 50 ألف توكيل ، أحب أفكر حضراتكم أن سعد هو أول من غنى للحمار ، الظاهر كان عنده بعد نظر - اذا نجح سعد الصغير.....سيكون كل شارع في مصر شارع الهرم ?? - سعد الصغير ايوة بقى كده الواحد يعرف هيرشح مين وبضمير مرتاح البلد دي عاوزة طبال يرقصها - سعد الصغير ... حاول تفهم أرجوك .. دي رئاسة مش رقاصة!!!! - شعار سعد الصغير فى الانتخابات :: سنحيا على واحدة و نص ..ورشحني يا جدع - ونشيدنا الوطنى هيكون العنب العنب العنب احمر..اخضر ..اصفر - و الدعاية الانتخابية اكيد في شارع الهرم! - اهو ده الريس الوحيد اللي هيعدل الجو بدل ما احنا مش عارفين اذا كنا نصيف ولا ايه هيخلي مصر صيف شتا الجو معتدل