كشف رئيس الزمالك حقيقة تفاوض النادي مع اللاعب أكرم توفيق لاعب انبي الذي انضم للأهلي. وقال مرتضى منصور: أكرم توفيق كان بيتسول أنه يروح الأهلي لكن مش من حقك تكدب وتقول أن الزمالك كان بيتفاوض معايا، لا رسمي ولا ودي من حقك أنك تقول أنك تبوس الأيادي انك تروح النادي الأهلي، لكن مفيش أي مفاوضات تمت بينا وبين الزمالك. وتابع: افرض انت قعدت مع أخوك في الغيط وقلك تعالى الزمالك .. انا مبجبش لاعب "بيعض اللاعيبة". واضاف: بطل كدب وانك تقارن نفسك بينك وبين الزمالك، بتقول هناخد السوبر انت بتتكلم كأنك متعب أو غالي، الكبار مقالوش الكلام ده، أنت لسة في حضانة!