تصوير سارة عبد الباقي: هاجم مرتضى منصور رئيس نادي الزمالك الإعلامي خالد الغندور نجم الزمالك السابق، لاستضافته أحمد بحر أحد أعضاء مجموعة أولتراس وايت نايتس التي اتهمها منصور بتدبير محاولة اغتياله، قائلًا: "عارفين الغندور لما استضاف الواد اللى اسمه بحر، عارفين الجريمة اللى ارتكبها؟ اسألوا مدير مباحث الجيزة، كل البلطجيه المطلوب القبض عليهم هربوا، شوفت الإعلام بيعمل ايه يا خالد يا غندور؟ ده مش كلامي اسأل مدير مباحث الجيزه". وتابع مرتضى: "البلطجيه تنبهوا ان في أمر ضبط وإحضار طلع لهم، يا استاذ خالد يا إعلامي ياللى بتقول الرأي والرأي الآخر، رأى آخر مع مين؟ مع رئيس نادي مع جمهور معنديش مشكلة، ما أعضاء النادي طول النهار بيكلموني الجنينة فيها كذا اللاعب ده كذا المدرب ده كذا وبسمع، ده حقهم، وحق الجماهير المحترمة". واختتم مرتضى: "جماهير الزمالك المحترمة فيما عدا هذه العصابة المسلحة فوق دماغى، أما العصابة فمصيرها السجن".