علق امير مرتضى منصور المشرف العام على فريق الكرة الأول بنادي الزمالك على الخسارة من الوداد بهدف دون رد اليوم. قال أمير مرتضى: "هارد لك لجمهور الزمالك بنعتذر لجمهور الزمالك عن سوء السلوك بعض اللاعيبة انهاردة والجمهور له حق في الغضب وليهم حق نستحمل أي غضب" أضاف: "تعرضنا لاستفزازات كتير زي صورة تتسرب مع وكيل في فندق وتيجي تكلم اللاعب يقولك الصورة قديمة والقرارات اللي صدرت النهاردة واخدنها من فترة ولكن مش معلنة والزمالك أكبر من اللاعيبة دي وفي ناس مشاكلها مستوى وناس مشاكلها تجديد وطلبات" وختم حديثه قائلا:"عرضنا على بعض اللاعبين التجديد والبعض طلب مهلة وده غريب بالنسبة لي كرامة الزمالك والنادي اكبر من اي لاعب" أأمير مرتضى منصور: طارق حامد ربط التجديد بعرض سعودي أكد أمير مرتضى منصور ، المشرف العام على فريق الكرة الأول بنادي الزمالك ، أن طارق حامد ، لاعب وسط الزمالك طلب مهلة للتفكير في العرض المقدم من جانب الزمالك. قال أمير مرتضى، في تصريحاته عبر برنامج جمهور الثالثة مع الإعلامي إبراهيم فايق ، أون تايم سبورتس: "قعدت مع طارق حامد وقالي انه مستني عرض سعودى قوي في الصيف وقالي اديني مهلة اصلي استخارة" أضاف: "المهلة خلصت خلاص ومع احترامي لطارق حامد المهلة خلصت دون أي إبداء أي رأي والدنيا مش هتقف احنا عملنا اللي علينا وزيادة من ناحية التفاوض وشيل الضغوط واوناجم وبن شرقي وسيف الجزيري ملهمش مليم متأخر واول لما المجلس الجديد رجع ضخينا فلوس في الفرقة كلها والأجانب كلهم ملهمش فلوس وحمزة المثلوثي فنيا ممكن ميبقاش كويس ولكن حمزة ورزاق سيسيه ما أنذروش الزمالك،واستنوا دور مستحقاتهم المالية بشكل طبيعي" قال أمير مرتضى منصور إن الزمالك "مبيستناش حد" تعليقا على إمكانية تجديد عقد أشرف بن شرقي. قال أمير في تصريحاته عبر أون سبورتس: "بتكلم فنيا الزمالك مش محتاج بن شرقي والنادي مش بيستنى حد وبالمستوى ده كنت ممكن نخرج اللاعيبة إعارة لو عقودهم مكملة" وعن عمر السعيد وحازم إمام: "الاتنين لازم يبذلوا مجهود بنسبة 100% لو عايزين يكملوا في الزمالك". أعلن أمير مرتضى منصور عن تنازل فرجاني ساسي عن جزء من الحكم الذي حصل له وسنعلن خلال 48 ساعة عن إتمام التسوية معه.. وهو لو أحسن لاعب في مركز رقم 8 واحنا بنضم صفقات جديدة يبقى هنضمه ولو في أفضل منه هنضم الأفضل. وقال أمير إن لاعيبة الزمالك مش ماضية على لايحة الموضوعة لهم وهذا يعكس مستوى الضعف خلال الفترة الأخيرة التي شهدت لجانا عديدة للزمالك. وفي رسالة اخيرة لجمهور الزمالك قال أمير مرتضى اصبروا معانا حقكم علينا ومفيش حد اكبر من الزمالك والتذاكر بتاعة ماتش الوداد اتباعت في وقت قياسي.
