وجهت الإعلامية مفيدة شيحة رسالة للفنانة سلمى أبو ضيف بعد أن أثارت الجدل بصورها في أسبوع الموضة بباريس التي كشفت فيها عن بطنها. وقالت مفيدة شيحة في برنامجها "الستات" على شاشة النهار: "يا سلمى يا بنوتة يا صغيرة، أنا بشوف إن أنتي أخفقتي في اختيارك للصورة دي في مجتمعك العربي.. المجتمع الغربي يحترم الصور اللي زي دي مقارنة بريانا وبيونسيه، كلهم اتصوروا عراة لأنها ثقافتهم.. إحنا في مجتمعنا العربي". اقرأ أيضًا | المخرجة آيتن أمين تكشف موعد عرض فيلم «آل شنب» وأضافت مفيدة: "أنتي قمر ولبسك يجنن لكن المرأة الحامل لا تظهر بطنها.. لما ببقى حامل بلبس فستان حلو، أبين حملي بشكل مختلف، لكن أظهر ببطني في التصوير؟ دي صورة تليق بالمجتمع الغربي ولا تليق بالمجتمع العربي. لازم تبقي عارفة طالما مسكتي العالم من النص، لازم تبقي عارفة ايه يليق بالمجتمع الغربي وايه يليق بالشرقي". وأبدت مفيدة برأيها في اتخاذ سلمى لإجراء قانوني ضد المتنمرين: "أنا معترضة على مقاضاتك أي من الناس اللي تنمروا بيكي. دي وجهة نظري وليكي حق تاخديها وتاخديهاش". وتابعت: "أنتي فنانة كبيرة وشغلك الأساسي في الوطن العربي. لما قررتي تنزلي الصورة، ممكن تكوني مخدتيش بالك ان ممكن يكون في اختلاف ثقافات وشايفة انك زي الفنانين اللي برة، وكان لازم تحطي في بالك ان في ناس هيقولولك إيه اللي أنت عاملاه دة؟"، وأنهت مفيدة شيحة رسالتها: "الفكرة في إن أنتِ فنانة كبيرة وشخص ناضج وثقافتك برا وجوا فلازم تسيبيها".