أدلت الفنانة ميس حمدان، بعدة تصريحات إذاعية مهمة عن حياتها الشخصية والمهنية، موضحة موقفها من الارتباط في الفترة الحالية، مشيرة إلى أن مشاعرها تجاه هذا الموضوع متقلبة، قائلة: "فكرة شريك الحياة سبحان الله أحاسيسها متقلبة، أوقات أحس إني مشتاقة للفقرة دي، وعايزة أتدلع وأتخانق وأضربه ويشدني من شعري وأهبش فيه، وعايزة حنان وعايزة أتحب ويتقال لي كلام حلو، وأوقات زي دلوقتي عندي تبلد أحاسيس". وتابعت: "أنا فاتحة الباب، لكن لما تبصي حواليكي قلائل جداً وشبه معدومة نشوف زوجين فعلا مرتاحين". اقرأ أيضا | اليوم.. ميس حمدان ضيفة برنامج «أسرار النجوم» إنجي علي وعند سؤالها عن سبب قصر مدة الزيجات مقارنة بالسابق، أجابت ميس حمدان: "في أسباب كتيرة، إحنا كأمة بعدنا عن ربنا كتير وأنا منهم، مش متمسكين وعايزين نكتفي بشخص واحد، وثانيا الإغراءات بقت عالية جدا، والسوشيال ميديا خلت مفيش حد راضي باللي عنده وكله عايز أحسن، والستات مش سايبة الرجالة في حالها ولا الرجالة سايبينهم، وكل واحد طول الوقت عايز حاجة جديدة تزغزغه". وعن معني الرجولة بالنسبة لها موضحة: "الرجولة لا تتجزأ، والذكر حاجة والرجولة حاجة مختلفة، إنت عايزة الراجل المحترم الأخلاق اللي بيخاف ربنا، والسند الطموح اللي بيعرف يتصرف وياخد موقف، وأنا عايزة كل ده". وتحدثت ميس حمدان عن صفة تكرهها في الرجل، قائلة: "لا أحب الرجل المتردد الذي لا يعترف بنقاط ضعفه وغير قادر على اتخاذ قرارات، هذا النوع يسقط من نظري بشكل كبير". وقالت ميس حمدان: "لو ممكن أجسد شخصية لازم تكون شخصية شائكة مش كل الناس متفقة عليها، زي نوال السعداوي، بغض النظر عن إن ناس كتير مش متفقين مع أفكارها وطريقتها". واستكملت قائلة: "مع احترامي لكل القامات الكبيرة، مش عايزة أجسد سعاد حسني مثلاً، لأنها محبوبة عند كل الناس، أنا عايزة شخصية جدلية".
