طالبت دعاء غباشي لاعب المنتخب المصري للكرة الشاطئية من الأشخاص الذين يهاجمونها بعد وداع أولمبياد باريس 2024 بعدم تصفية الحسابات على حسابهم كلاعبين. وقالت عبر صفحتها الشخصية بموقع التواصل الاجتماعي «فيس بوك»: «الكلام ده للناس الي فجأه عرفوا ان في لعبه اسمها كره طائره شاطئيه اللعبه دي تقريبا تاريخها في مصر من ساعه ما دخلت 2014 يعني مبقلناش10 سنين الحمد لله تقريبا برضه من ساعه ما لعبنا كل بطولات افريقيا وعرب بنكسبها». وتابعت : «عايزه بس اشرح حاجه عشان فاضيين وفلاسفه الفيسبوك الي ظهروا فجاه وبياخدوا كلام من علي لسان اللعيبه الي هما احنا وده طبعا اي كلام ومش حقيقي ويقلك اللعيبه قالت واللعيبه عادت واحنا اصلا منعرفش مين دول تأهل الاوليمبياد لينا عن طريقين ال توب 16 الي هما احسن 16 فرقه علي العالم وابطال القارات وطبعا احنا اتأهلنا عن طريق بطل القاره افريقيا يعني لا كوته ولا واسطه زي ما بيتردد الكلام وبمجهودنا وتعبنا يعني مش حد لعب وكسب واحنا الي سافرنا لا هو احنا الي لعبنا لحد ما اتأهلنا احنا شهر 3 كنا 247 علي العالم في الرانك». وأضافت دعاء غباشي: «لعبنا الالعاب الافريقيه وبطولتين برو تابعه للاتحاد الدولي وبطوله افريقيا المؤهله بقينا 60 علي العالم ف احنا تقريبا في شهرين او 3 شهور دخلنا ال توب 100 وقربنا من ال 50 وده برضه مجهودنا يعني مخدناش تعب حد هما هما البنتين الي بيلعبو ولا واسطه ولا اي حاجه طبعا احنا لو مشاركناش في افريقيا غيرنا هيشارك ونبقي ادينا افضليه لبلد تانيه افريقيه تطلع علينا لان لازم مقعد افريقي وبالنسبه للعبه الي مش بتتلعب غير علي شواطئ لا هي بطولات العالم نصها تقريبا لو مكنش كلها مش علي شاطئ وعادي بنعمل ملعب في اي مكان مش لازم شاطئ عشان الي رابطين الشاطئيه بالشاطئ سعات بيكون ضرره اكتر من نفعه عشان الهواء». وذكرت «احنا مش المركز الاخير زي ما بيتردد الكلام احنا عملنا متشات جامده جدا مع ابطال اللعبه وطلعنا معاهم اسكورات كويسه جدا وفي ماتش من المتشات ودي اول مره هقولها صباعي اتشرخ وحطيت بلاستر وكملنا عادي والله العظيم فرقه البرازيل مكانو عاملين حسابنا بعد الماتش جم سلمو علينا وحضنونا وقالولنا احنا مكناش مصدقين المستوي وفرقه اسبانيا بعد الماتش جايين يقولولنا ايه ارسالتكو دي انتو اجمد ارسالات اتلعبت علينا متخيلين اما يبقوا ملوك اللعبه بيقولولنا كده ولا الجمهور الي انالنا اعجابه وكان بيشجعنا». واختتمت دعاء غباشي قائلة: «الكلام ده انا بقوله عشان حاجه واحده احنا الناس بقت تحترمنا في كل العالم بطله اوليمبياد ريو 2016 وصاحبه الذهب اخدت المركز الي بعديينا يعني احنااسكوراتنا احسن منها في الاشواط محدش بينط من المركز ال 60 للمنافسه علي ميداليه بعد 10 سنين من وجود اللعبه ابطال اللعبه بقوا ابطالها بعد قد ايه حد يقولي كده ؟! ف مش محتاجه مزايده علي بعض ارجوكم بلاش تصفيه حسابات ملهاش لازمه علي قفي اللعيبه». ودع منتخب سيدات مصر للكرة الطائرة الشاطئية منافسات أولمبياد باريس عقب الخسارة أمام إسبانيا ونجح منتخب إسبانيا في تحقيق الفوز بنتيجة 2-0 (21-18، 21-14) في ختام دور المجموعات ومثل منتخب مصر لسيدات الكرة الطائرة الشاطئية كل من دعاء الغباشي ومروة مجدي. إقرأ أيضا| باريس 2024| ثنائي الطائرة الشاطئية سيدات.. انتصرن على قمع فرنسا من أجل الحجاب
