علقت النجمة والفنانة وفاء عامر، على إعتذار الفنان محمد سلام عن دوره في مسرحية "زواج اصطناعي"، ضمن موسم الرياض. وقالت وفاء عامر، أن محمد سلام شخص لم يكن قادرًا على الوقف بخشبة المسرح عقب تفاقم ما يحدث لأهالي وأطفال غزة من قصف وعنف مستمر على يد الإحتلال الصهيوني. وتابعت وفاء عامر، خلال مداخلة تلفزيونية عبر أحد البرامج: "محمد سلام مش قادر يوقف على المسرح.. إحنا مكبرين المسألة زيادة عن اللزوم، زي ما في واحد يدوس على قطة في الشارع ممكن يعيط زي حالاتي، يعني مرة جالي ضيق شديد لما خبطت حيوان وكنت هموت.. في ناس ممكن تقدر وممكن متقدرش". وبسؤالها "لو في حالة عرض عليها عمل مسرحي في الرياض بوقتنا الحالي هل ممكن تقبل المشاركة في وقتنا الحالي؟"، أجابت وفاء عامر بأنه تصرفات البشر تختلف من شخص لآخر من الممكن أن يقبل فنان وعلى العكس يقبل الأخر، معقبة "أنا ممكن أستفيد الوقت ده اللي فيه أخواتنا في فلسطين وعاوزين الناس تقف جنبهم يعني محمد سلام تصرفه مختلف وأنا تصرفي مختلف وأيتن بتعيط ليل ونهار بسبب اللي بيحصل". واختتمت وفاء عامر، حديثها قائلة : "بلاش نلوم على حد أعتذر أو مش قادر إحنا الفنانين بنحب أوي وطنا وبيصعب علينا ما يدور سواء في فلسطين أو قبله في العراق أو ليبيا.. أنا بقالي 5 أيام جالي إكتئاب بسبب اللي بيحصل ومحمد سلام مقدرش يكمل ومش متطاول على حد.. وفي فنانين قالوا أنه حط علينا وطلع أحسن مننا هي مقدورات أنا أقدر بس ممكن غيري ميقدرش". وكان بيومي فؤاد، ظهر في فيديو عبر موقع تبادل الصور والفيديوهات "إنستجرام"، قال فيه: "من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدًا.. شئ عظيم إن أنا أخرج واتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي". وتابع:" محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا".
