أعرب الفنان مصطفى هريدي عن استيائه بسبب عادات الموضة في الملابس في الوقت الحالي، مؤكدًا أنها تختلف عن زمان كثيرًا، كما كشف كيف يتغلب على الأزمات في حياته. وقال مصطفى هريدي، خلال حواره مع الفنانة انتصار وبدرية طلبة ونوليا، في برنامجهم "من غير نفسنة"، المذاع عبر شاشة قناة هي: "الصدمات بتعدي بالنتفيض وتريح الدماغ، والدنيا ماشية والماديات مش كل حاجة، أنا رامي حمولي على ربنا، وربنا ساترها معايا طول ما أهلي في ضهري". وتابع: "بتعرف في حياتك ناس كتير ومينفعش تقول عليهم كلهم أصحاب، الحقيقين والثابتين هما بس اللي يتقال عليهم أصحاب، واللي ببدأ بيهم حياتي". وانتقد مصطفى هريدي الموضة، قائلًا:"أنا مبقتش أعرف أدخل اشتري بنطالون جينز، البناطيل اللي موجودة دلوقتي مش بتاعتنا، أنا فاكر زمان كان أبويا ياخدني عند الترزي ويفصلي القماش الصوف بالكسرة الكلاسيك، حتى البنطالون الجينز دلوقتي مش زي بتاع زمان". واستكمل مصطفى هريدي: "دلوقتي بيبقى ساقط والبوكسر باين وملزق وشبه البنطالون الاسترتش، الموضوع اختلف عن زمان، والبنات مبتبصش على ده ومبتحسش أن فيه رجولة". "من غير نفسنة" برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.
