نفت ريم طارق، طليقة مطرب المهرجانات حسن شاكوش، الاخبار المتداولة بانتهاء خلافها مع شاكوش بالصلح، مشيرة إلى أنها أقامت قضية طلاق بالفعل. وقالت ريم طارق في بث مباشر، عبر حسابها الشخصي على تطبيق إنستجرام: "مافيش حاجة اسمها صلح، في مشكلة كبيرة إن بنت تتحملها مع جوزها أو عيب ماينفعش الواحدة تتحمله، وهي بتبقى عايزة تخرج بكل ود أو تشوف حل في المصيبة دي لأن هي مصيبة لأن هو دا اللي عايزة أقوله دلوقتي، اختيار غلط محدش يعتب علي، والحمد لله". وأكدت أنها حصلت على حكم بتمكينها من الحصول على متعلقاتها وأقامت قضية طلاق: "رفعت قضية طلاق، اتمكنا عشان آخد هدومي وحاجتي ورحت أمبارح مع بابا، ووقف برا بعد ما حسن شاكوش طرده، وأهله وصلوا بعد نص ساعة، كدة كدة مش هينفع أعيش مع واحد مهددني بالقتل، وحلقة (شيخ الحارة) كل اللي اتقال فيها صدق وأنا اللي أتضحك علي". وأوضحت أنه امتنع عن تسليم متعلقاتها الشخصية: "هو ممتنع أنه يديني حاجتي حتى لبسي وورق القائمة والمؤخر، وهو اختلطت عليه الأمور أنه هيعرف يعمل كدة مع مين، أنا من بعد ما فتحت الأكاونت دا وصل لي من كذا بلد إن بنات متاخد منها حقوقها وفلوسها وهدايا الماظ وسيارات وورق عرفي، عملت كل دا مع الناس دي عشان مكنش الكلام بينكم رسمي، من المغرب والجزائر ودبي والكويت والتجمع، الناس مستوية منك". ورداً على زواجها الأول أوضحت أنها كانت متزوجة في نوفمبر 2020 وانفصلت في فبراير 2022، مشيرة إلى أن حسن شاكوش قام بالغناء في زفافها السابق، مؤكدة أنها لا تسعى وراء الشهرة كما اتهمها البعض. وتابعت: "أول ما الموضوع يخلص هقفل الأكاونت، مش محتاجة شهرة ما أنا ممكن أتصور واتشهر، لكن لقب مرات مش عارف ايه دا عبء عليا، الناس كانت بتقول لي أنتي اتجوزتي الشيخ الشعراوي أتاري الناس عندها نظر أنا مكنتش عارفة، وتاني يوم جوازي قال لواحدة أن جوازي منها فيلم، وبعتت لي الرسائل بينهم، أنت ضحكت على البنت دي ليه، وانت قايل ان احنا مع بعض بقالك 3 سنين، ايه جو المؤامرة دا".
