تحدث الفنان مصطفى هريدي عن عودته للفن مرة أخرى، موضحا أن السيناريست أيمن بهجت قمر هو من شجعه على العودة من الأردن. وأضاف هريدي خلال تصريحاته في برنامج "المنسي" مع الإعلامية إنجي هشام: "رجعت للفن 2016 وكان بسبب أيمن بهجت قمر وكان بيعمل ليالي الحلمية الجزء السادس وكان شايف إني طولت جدا في سفري للأردن لأني قعدت أربع سنين". وتابع: "كان بيخليني انزل اعمل كاستينج على أدوار ولكن مكنش بيحصل نصيب فكنت برجع تاني، وفي ليالي الحلمية قالي تعالي واشتغل وارجع لشغلك هتتنسي، فانا رجعت وعملت 2017 عفاريت عدلي علام، 2018 مشتغلتش وفي 2019 طلعت في إعلان تامر حسني والإعلان ده أثر بشكل كبير جدا لأن عمرو وسلمي كان 2007". وتحدث عن اختيار تامر حسني له في أحد الإعلانات: "تامر حسني اتصل بيا واخترني بالتحديد لأني عملت معاه نجاح في الجزء الأول، الناس تأثرت بالإعلان بشكل فوجئت بيه وفي ناس قالولي أنهم عيطوا، والحته اللي فيها مشاعر دي بتلمس قلبي مع الناس، وده فرحني جدا". https://fb.watch/le0K-AJLmN/?mibextid=Nif5oz اقرأ أيضا | مصطفى هريدي يكشف سبب عدم عمله مع تامر حسني: «مافيش مجاملات»