اعتذرت الفنانة ميرهان حسين لوالدتها عبر صفحتها الرسمية "انستجرام"، في عيد الأم عن كل ما تعرضت له بسببها في أزمتها الأخيرة. واعتبرت ميرهان هذا الاعتذار هو هدية عيد الأم حيث قالت:" أمي، النهاردة أنا عايزة أقولك كلمة واحدة، آسفة، أنا آسفة أنى السبب في حزنك اللي بتخبيه عشان أنا ماكنش حزينة، آسفة أنى اخترت طريق كان السبب إنه يسمح لناس تجرح وتظلم وتتهم وتحكم وأعوذ بالله من حكم النفس على النفس، آسفة بالنيابة عن كل إنسان وبعيدها تاني "إنسان" حكم على رد فعل وقرر إنه فعل وجرح مشاعرك بسببي، آسفة أنى مش قادرة أحقق لكي فرحتك يا أمي، ورغم كل ده بتقولي إن أنا فرحتك..". وأضافت حسين :"أنتي اللي فرحتي وراحة قلبي ونفسي، أنتي الحب الحقيقي والأمان والحياة، من غيرك مفيش حب مفيش حياة، ربنا يخليكي ليا لآخر يوم في عمري، ويقدرني أسعد قلبك ربع ما بتسعدينا كلنا، كل سنة وأنتي نور حياتي يا حياتي".