استمرارًا لتفاعل قراء "بوابة أخبار اليوم " مع الخدمة التي أطلقها الموقع تحت عنوان "صحافة المواطن"، للمساهمة في تحرير المواد الصحفية، الشاعر سامى السيد رمضان يوسف قصيدة ( ماتقوليش )) ماتقوليش أطمن ماتقوليش ما أقلقش دا شيطانى بيتفنن ويخلينى ما أنامش ........ ماتقوليش دى مسافة السكة وتعييشنى ف حيرة وربكة دا اللى مابينى وبينك شركة أرجوك ماتقوليش ماأقلقش ....... أعزارك بتزيد وبتكتر ما أنت خلاص مابقيتش مقدر ولا أسباب البعد مفسر خوفي تروح ماتجيش ....... رغم إن أنا من لحم ودم وقلبى بينزف طيبة بس بحس ف بعدك هم وشايف الطيبة غريبة نفسي في يوم تهدى ونتلم وتبقى الدعوى قريبة وأقفل قلبى عليك ياحبيبى وتقعد وماتمشيش ...... ما تقوليش أطنن ماتقوليش ما أقلقش دا شيطانى بيتفنن ويخلينى ما أنامش ...... حبيتك علشان تستاهل وأنت كمان قلت إنى أستاهل طب قلبى ف بعدك يستاهل من غير حب يعيش ...... دانت كتبت عشانه قصايد والحبر اللى في قلمك شاهد ليه ف الجد بتعمل شارد أمشى وما تقوليش شاركونا في تحرير المواد الصحفية المنشورة على الموقع بإرسال الصور والفيديوهات والأخبارالموثقة لنشرها بالموقع باسم القراء على الواتس رقم 01200000991 والاميل www.akhbarelyom.com