قال لي محمد رضا ان الضحك مطلوب سواء كان له هدف او كان بلا هدف، واذا كانت الدولة ترعي الضحك الهادف فهذا مشكور لها ولكن يجب ان تعطي الفرصة لاي فرقة «فارس» لتضحك الناس.. والمنافسة دائما لصالح الجمهور والقاعدة ان البقاء للاصلح. في منزله في مدينة الصحفيين بالدقي التقيت به وجلسنا نتحدث وصياح اولاده يصل الينا وهو يصيح فيهم من حين لآخر»بس ياواد انت وهو».. سألته: ■ لماذا تسكن مع الصحفيين؟ - فقال: مش حاقدر اقول انها ازمة مساكن واني مالقيتش شقة الا هنا، الواقع اني باحب الصحفيين.. ما هم مننا وعلينا، واحنا عيلة واحدة! -وضحك ضحكة مجلجلة، وقاطعت ضحكته لأسأله: ■ ما رأيك في ازمة الضحك.. هل..؟ - فقاطعني قائلا: يا عالم مافيش ازمة ولا حاجة! الحكاية ان مؤسسة المسرح عاوزة فرقتها تضحك الناس ويكون للمسرحيات هدف.. كلام معقول، وشبان من الممثلين المضحكين الكويسين جدا قالوا الضحك لوحده كفاية وعملوا فرقة مسرحية علشان تضحك بس.. برضه كلام معقول، نخلي فرقة الحكومة تعمل ضحك له هدف، ونسيب فرقة حرة حرة تعمل اللي هي عايزاه، والمنافسة بين الاثنين لصالح الجمهور، والحكم هو الجمهور، والقاعدة في الاعمال الفنية ان البقاء للاصلح، وفي لندن اللي هي اكبر مدن العالم عراقة في المسرح تلاقي فرق تقدم الفارس.. للضحك بس وفرق تقدم الضحك الهادف الشيك! والجمهور له ذوقه وساعات بيتغير من ليلة لليلة.. يعني فيه واحد يحس انه عاوز يضحك بس ومش عاوز يوجع دماغه في موعظة في الليلة اللي وراها لو ضحك بس يقول في الاخر»ايه الكلام الفارغ ده.. دي حكاية مالهاش اي معني»! واستطرد محمد رضا قائلا: وانا عملت في مسارح تقدم الضحك الهادف ومسارح تقدم الضحك»السك»ولقيت الجمهور بيقدر الفنان الكوميدي هنا وهنا والمنافسة حاتقوي المسرحية علي العموم. ■ وسألت محمد رضا: بمن تأثرت وانت تختار شخصية ابن البلد؟ - فصاح وكأنه ينفي تهمة: ما اتأثرتش بحد.. احلف لك بايه.. فقلت له: ■ يقولون انك امتداد للمرحوم عبد الفتاح القصري اشهر من مثل شخصية اولاد البلد علي المسرح؟ - فقال محمد رضا: انا يشرفني طبعا اني ابقي امتداد لفنان كبير زي المرحوم القصري.. انما الحقيقة انا ماحاولتش اقلده ابدا، انا اشتغلت شويه من مسرح اسماعيل يس انما كنت ماشي في طريقي.. وقال محمد رضا: عاوز اقول اني ما احبش اقلد اي فنان.. انما ما اخبيش عليكي انا اتأثرت باولاد بلد حقيقيين لاني عشت الحياة البلدي الحقيقية وصاحبت اولاد بلد جدعان.. صاحبت صاحب وكالة علافة في الدراسة وصاحبت معلم صاحب مطعم وعجبتني»المرجلة» والاصالة اللي فيهم، وعلشان كده لما باقوم بدور بلدي باعيش فيه تمام. ■ وسألت محمد رضا: هل لك ادوار اخري؟ فقال: يا ست والله باتمني كل الادوار الاخري.. انا عملت دور البورجوازي النبيل ونجحت.. وكنت اتمني اعمل ادوار ثانية كثير، لكن المخرجين عاوزني دائما لادوار ابن البلد، نفسي ومني عيني اخرج من سجن دور ابن البلد حاعمل ايه يعني؟ ■ سالت محمد رضا: - ما اشهر دور ابن بلد قمت به؟ - فقال: - الادوار كثيرة والحمد لله، اول دور اذكره كان وانا طالب في معهد التمثيل.. عملت دور معلم صاحب حمام، ولما اتخرجت كان اول دور ابن بلد قمت به دور المعلم محمود عربجي الكارو في مسرحية «المغناطيس» لنعمان عاشور.. وكنت خايف من الجمهور لانه ما يعرفنيش.. لكن ربنا ستر وعدينا، والدور اللي باعتبره نقطة تحول في حياتي دور المعلم كرشه في زقاق المدق، وناس كثير اعترضوا لما اترشحت للدور لاني قبلها كنت باقوم بادوار صغيرة.. يعني استكبروا الدور عليه، ولما الدور رسي عليه موت نفسي فيه علشان حسيت بان فيه تحدي.. والحمد لله النتيجة كانت لصالحي، ونجيب محفوظ مؤلف الرواية شافني وقال: اهوه ده المعلم كرشه زي ما تخيلته فعلا وعلشان نجحت في المسرح ربنا اكرمني ومثلت الدور نفسه في السينما. وقال محمد رضا: وطبعا من ادواري اللي باعتز بيها دور المعلم عدوي في شفيقة القبطية، فاكر اني رحت مع محمد عز العرب نحضر افتتاح اول مسرحية لفرقة تحية كاريوكا.. ودخلنا الكواليس نهنيها وعز قال لها: يا تحيه.. احنا عاوزين المسرحية الثانية رواية بلدي مع الراجل ده. وقالت له تحية بنت البلد: من عينيه الاثنين.. لهذا لم تنسني تحية وهي توزع ادوار شفيقة القبطية، شفيقة القبطية نجحت جدا لان كل اللي اشتغلوا فيها كانوا بيحبوا تحية ويقدروا كفاحها وعلشان كده كانوا عاوزين يعملوا لها اكبر رصيد من النجاح.. ■ وسألت محمد رضا: وفي السينما؟ - فقال: اقوم الان بدور المعلم»توتو»في خان الخليلي برضه دي قصة نجيب محفوظ، وانا قصص نجيب محفوظ بتشدني لان الادوار مرسومة كويس ومناسبة! ■ وقلت له: وادوار البطولة السينمائية؟ - فقال: اهي دي المشكلة عندنا، السينما في بلدنا بتدي ادوار البطولة دايما للشبان اللي بيفرقوا شعرهم وللبنات بتوع عشرين سنة، معني كده اننا حانفضل بعاد عن الادوار دي.. احنا اللي بيقولوا علينا «تبيت»محتاجين لقصص اصيلة تتكتب علي اساس ان الابطال ممكن يكونوا اباء.. او عمال.. او فلاحين، احنا دلوقت في عهد اشتراكي، والعمال بقوا ابطال حقيقيين.. يعني حياتهم مليانة قصص وكفاح.. وواجب القطاع العام في السينما انه ينقل للناس حياة دول.. البطل المهندس والبطل الدكتور ما عنديش اعتراض عليهم انما بلدنا فيها ثلاثين مليون مش كلهم مهندسين ودكاتره زي السينما بتاعتنا مابتقول.. وضحك محمد رضا ضحكة كبيرة وقال: والا ايه ياست هانم! ■ وسألت محمد رضا: اين انت من الممثلين الكوميديين؟ - فقال: العبد لله رجل مكافح صاحب عيال.. وانا ممثل علي اد حالي.. وضحك ضحكته الضخمة وقال: والا ايه ياست هانم! ■ سالت محمد رضا: - وما امنيتك الفنية؟ - فقال: - ما انا قلتها.. اني امثل ادوار كبيرة»اكاديمية»لما اتخرجت من معهد التمثيل كان نفسي اقوم بادوار عطيل واوديب، سجني في ادوار ابن البلد خانقني ومكتفني، انا نفسي اروح المسرح القومي لاني اول ما بدخل كواليس المسرح القومي باحس بريحة المسرح الحقيقي، المسرح اللي له اصول، دقات قلبي بتضبط علي دقات المسرح. وفيه ناس فاهمة شغلها ومتفانين.. عارفه زي ايه.. زي فريق الكورة اللي له عراقة واصيل.. الواحد يحب يلعب معاه علشان عارف انه ممكن يجيب جون وهو بيلعب! ■ قلت له: - يعني انت ما جيبتش اجوان قبل كده؟ - فقال: الحمد لله جبت اجوان.. لكن اجوان عن اجوان تفرق، انا عاوز اعيش في جو مسرح له تقاليد، ماعنديش مانع امثل دور واحد كل سنة.. استعد له ده ست اشهر واذاكره.. بس ساعتها لازم حامثله الست اشهر الثانية امام الجمهور، عاوز دور احس انه اكبر مني علشان اقدر اطلع له، احس اني بانحت في صخر واعرق واتعذب.. هو ده ياست هانم اللي باحلم بيه.. ■ وسالت محمد رضا: - من احسن من يقوم بادوار اولاد البلد في مصر؟ - فقال ضاحكا: - مش غرور يا ست هانم.. كده يعني ولا مؤاخذه.. العبد لله. ابي علمني قال لي محمد رضا ان الضحك مطلوب سواء كان له هدف او كان بلا هدف، واذا كانت الدولة ترعي الضحك الهادف فهذا مشكور لها ولكن يجب ان تعطي الفرصة لاي فرقة «فارس» لتضحك الناس.. والمنافسة دائما لصالح الجمهور والقاعدة ان البقاء للاصلح. في منزله في مدينة الصحفيين بالدقي التقيت به وجلسنا نتحدث وصياح اولاده يصل الينا وهو يصيح فيهم من حين لآخر»بس ياواد انت وهو».. سألته: ■ لماذا تسكن مع الصحفيين؟ - فقال: مش حاقدر اقول انها ازمة مساكن واني مالقيتش شقة الا هنا، الواقع اني باحب الصحفيين.. ما هم مننا وعلينا، واحنا عيلة واحدة! -وضحك ضحكة مجلجلة، وقاطعت ضحكته لأسأله: ■ ما رأيك في ازمة الضحك.. هل..؟ - فقاطعني قائلا: يا عالم مافيش ازمة ولا حاجة! الحكاية ان مؤسسة المسرح عاوزة فرقتها تضحك الناس ويكون للمسرحيات هدف.. كلام معقول، وشبان من الممثلين المضحكين الكويسين جدا قالوا الضحك لوحده كفاية وعملوا فرقة مسرحية علشان تضحك بس.. برضه كلام معقول، نخلي فرقة الحكومة تعمل ضحك له هدف، ونسيب فرقة حرة حرة تعمل اللي هي عايزاه، والمنافسة بين الاثنين لصالح الجمهور، والحكم هو الجمهور، والقاعدة في الاعمال الفنية ان البقاء للاصلح، وفي لندن اللي هي اكبر مدن العالم عراقة في المسرح تلاقي فرق تقدم الفارس.. للضحك بس وفرق تقدم الضحك الهادف الشيك! والجمهور له ذوقه وساعات بيتغير من ليلة لليلة.. يعني فيه واحد يحس انه عاوز يضحك بس ومش عاوز يوجع دماغه في موعظة في الليلة اللي وراها لو ضحك بس يقول في الاخر»ايه الكلام الفارغ ده.. دي حكاية مالهاش اي معني»! واستطرد محمد رضا قائلا: وانا عملت في مسارح تقدم الضحك الهادف ومسارح تقدم الضحك»السك»ولقيت الجمهور بيقدر الفنان الكوميدي هنا وهنا والمنافسة حاتقوي المسرحية علي العموم. ■ وسألت محمد رضا: بمن تأثرت وانت تختار شخصية ابن البلد؟ - فصاح وكأنه ينفي تهمة: ما اتأثرتش بحد.. احلف لك بايه.. فقلت له: ■ يقولون انك امتداد للمرحوم عبد الفتاح القصري اشهر من مثل شخصية اولاد البلد علي المسرح؟ - فقال محمد رضا: انا يشرفني طبعا اني ابقي امتداد لفنان كبير زي المرحوم القصري.. انما الحقيقة انا ماحاولتش اقلده ابدا، انا اشتغلت شويه من مسرح اسماعيل يس انما كنت ماشي في طريقي.. وقال محمد رضا: عاوز اقول اني ما احبش اقلد اي فنان.. انما ما اخبيش عليكي انا اتأثرت باولاد بلد حقيقيين لاني عشت الحياة البلدي الحقيقية وصاحبت اولاد بلد جدعان.. صاحبت صاحب وكالة علافة في الدراسة وصاحبت معلم صاحب مطعم وعجبتني»المرجلة» والاصالة اللي فيهم، وعلشان كده لما باقوم بدور بلدي باعيش فيه تمام. ■ وسألت محمد رضا: هل لك ادوار اخري؟ فقال: يا ست والله باتمني كل الادوار الاخري.. انا عملت دور البورجوازي النبيل ونجحت.. وكنت اتمني اعمل ادوار ثانية كثير، لكن المخرجين عاوزني دائما لادوار ابن البلد، نفسي ومني عيني اخرج من سجن دور ابن البلد حاعمل ايه يعني؟ ■ سالت محمد رضا: - ما اشهر دور ابن بلد قمت به؟ - فقال: - الادوار كثيرة والحمد لله، اول دور اذكره كان وانا طالب في معهد التمثيل.. عملت دور معلم صاحب حمام، ولما اتخرجت كان اول دور ابن بلد قمت به دور المعلم محمود عربجي الكارو في مسرحية «المغناطيس» لنعمان عاشور.. وكنت خايف من الجمهور لانه ما يعرفنيش.. لكن ربنا ستر وعدينا، والدور اللي باعتبره نقطة تحول في حياتي دور المعلم كرشه في زقاق المدق، وناس كثير اعترضوا لما اترشحت للدور لاني قبلها كنت باقوم بادوار صغيرة.. يعني استكبروا الدور عليه، ولما الدور رسي عليه موت نفسي فيه علشان حسيت بان فيه تحدي.. والحمد لله النتيجة كانت لصالحي، ونجيب محفوظ مؤلف الرواية شافني وقال: اهوه ده المعلم كرشه زي ما تخيلته فعلا وعلشان نجحت في المسرح ربنا اكرمني ومثلت الدور نفسه في السينما. وقال محمد رضا: وطبعا من ادواري اللي باعتز بيها دور المعلم عدوي في شفيقة القبطية، فاكر اني رحت مع محمد عز العرب نحضر افتتاح اول مسرحية لفرقة تحية كاريوكا.. ودخلنا الكواليس نهنيها وعز قال لها: يا تحيه.. احنا عاوزين المسرحية الثانية رواية بلدي مع الراجل ده. وقالت له تحية بنت البلد: من عينيه الاثنين.. لهذا لم تنسني تحية وهي توزع ادوار شفيقة القبطية، شفيقة القبطية نجحت جدا لان كل اللي اشتغلوا فيها كانوا بيحبوا تحية ويقدروا كفاحها وعلشان كده كانوا عاوزين يعملوا لها اكبر رصيد من النجاح.. ■ وسألت محمد رضا: وفي السينما؟ - فقال: اقوم الان بدور المعلم»توتو»في خان الخليلي برضه دي قصة نجيب محفوظ، وانا قصص نجيب محفوظ بتشدني لان الادوار مرسومة كويس ومناسبة! ■ وقلت له: وادوار البطولة السينمائية؟ - فقال: اهي دي المشكلة عندنا، السينما في بلدنا بتدي ادوار البطولة دايما للشبان اللي بيفرقوا شعرهم وللبنات بتوع عشرين سنة، معني كده اننا حانفضل بعاد عن الادوار دي.. احنا اللي بيقولوا علينا «تبيت»محتاجين لقصص اصيلة تتكتب علي اساس ان الابطال ممكن يكونوا اباء.. او عمال.. او فلاحين، احنا دلوقت في عهد اشتراكي، والعمال بقوا ابطال حقيقيين.. يعني حياتهم مليانة قصص وكفاح.. وواجب القطاع العام في السينما انه ينقل للناس حياة دول.. البطل المهندس والبطل الدكتور ما عنديش اعتراض عليهم انما بلدنا فيها ثلاثين مليون مش كلهم مهندسين ودكاتره زي السينما بتاعتنا مابتقول.. وضحك محمد رضا ضحكة كبيرة وقال: والا ايه ياست هانم! ■ وسألت محمد رضا: اين انت من الممثلين الكوميديين؟ - فقال: العبد لله رجل مكافح صاحب عيال.. وانا ممثل علي اد حالي.. وضحك ضحكته الضخمة وقال: والا ايه ياست هانم! ■ سالت محمد رضا: - وما امنيتك الفنية؟ - فقال: - ما انا قلتها.. اني امثل ادوار كبيرة»اكاديمية»لما اتخرجت من معهد التمثيل كان نفسي اقوم بادوار عطيل واوديب، سجني في ادوار ابن البلد خانقني ومكتفني، انا نفسي اروح المسرح القومي لاني اول ما بدخل كواليس المسرح القومي باحس بريحة المسرح الحقيقي، المسرح اللي له اصول، دقات قلبي بتضبط علي دقات المسرح. وفيه ناس فاهمة شغلها ومتفانين.. عارفه زي ايه.. زي فريق الكورة اللي له عراقة واصيل.. الواحد يحب يلعب معاه علشان عارف انه ممكن يجيب جون وهو بيلعب! ■ قلت له: - يعني انت ما جيبتش اجوان قبل كده؟ - فقال: الحمد لله جبت اجوان.. لكن اجوان عن اجوان تفرق، انا عاوز اعيش في جو مسرح له تقاليد، ماعنديش مانع امثل دور واحد كل سنة.. استعد له ده ست اشهر واذاكره.. بس ساعتها لازم حامثله الست اشهر الثانية امام الجمهور، عاوز دور احس انه اكبر مني علشان اقدر اطلع له، احس اني بانحت في صخر واعرق واتعذب.. هو ده ياست هانم اللي باحلم بيه.. ■ وسالت محمد رضا: - من احسن من يقوم بادوار اولاد البلد في مصر؟ - فقال ضاحكا: - مش غرور يا ست هانم.. كده يعني ولا مؤاخذه.. العبد لله. ابي علمني