بحبك يا مصر وانكتب حبك على جبينى ده انا اخد تراب ارضك كحل على عينى واوهب عشان خاطرك كل عمرى وسنينى بحبك يا غالية يا ام الايادى مفرودين بحبك يا وردة يا ام الروايح معطرة ولو لفيت الكواكب من عطارد للمشترى ما اقدرش اسيبك وارجع عشانك مليون خطوة ورا عشان انتى الاساس واللى يعاديكى عليه ينداس هنأمن حدودك ولو يوم زعلتى هانمسح اى دمعه تنزل على خدودك فى حبك (نجيب) فى حبك (زويل) وجوك طبيعى بيداوى العليل فى حبك يا مصر قالو مواويل ل (كوكب الشرق) و(عبد الوهاب) وفى احلى الليالى يغنى (حليم) بحب الليالى فى جوك حنان بحبك فى لمة فطار فى رمضان بحبك فى رأفت وجمعه الشوان بحبك فى لمة تصفى النفوس ... انا باكتب لحبك مش للفلوس بحبك وشايف فى ولادك امل واخاف يحسدوكى ويعملوا لك عمل بحبك سفينة وبأذنك يارب هاتعدى بينا لبر السلام بحبك فى وحدة محمد وجرجس واحمد وعيسى عشان كل نفس دنيئة وخبيثة تبطل كلام عشان اى فتنة عشان انتى بيتنا وفى وقت الصعاب ما اقدرش افرق بين احمد ومينا عشان احنا امة عشان احنا لمة بحبك فى فرحة عروسة بطرحة فى ليلة زفافها تحضن عريسها اول ماشافها بحبك فى ام بحنانها تضم فى احضانها ولادها بحب الحضارة واحب الفنارة بحبك فى بحرى وكمان فى الصعيد بحب اللى عبر و فاكر الشهيد بحبك وهافضل احبك عشان انتى مصر