دعت رابطة ألتراس أهلاوى وألتراس ديفيلز المنتميتان للنادي الاهلى جميع المصريين للوجود فى ميدان التحرير يوم الجمعة 18 يناير الحالى للتذكير بقضية شهداء بورسعيد المقرر النطق بالحكم فيها يوم 26 يناير الحالى. ووفقا لما أكدته روابط ألتراس الاهلى على صفحتها الرسمية عبر موقع التواصل الاجتماعي "فيسبوك" فإن الحشد المقرر فى 18 يناير سيكون حتى النطق بالحكم على قتلة الشهداء. وفيما نص بيان الألتراس عبر فيسبوك: (الحشد ليوم 26 يناير مش هيكون يوم ولا اتنين .. هنستمر الايام الجاية كلها حتى يوم المحاكمة أن شاء الله .. وانسب مكان نفكر الناس كلها فيه بالقضية هو ميدان الثورة ومهد الحرية ( ميدان التحرير ) هيتواجد فيها أهالى الشهداء وجميع افراد المجموعتين وكل مصرى مؤمن بحقوق الشهداء..التجمعات هتكون فى 4 مناطق رئيسية : الساعة 3 عصرا (بوابة التيتش - النادى الاهلى بالجزيرة) تجمع لكل مناطق الجيزة - فيصل - الهرم - العجوزة - الدقى - المهندسين - امبابة - الوراق - الكيتكات - 6 اكتوبر - الشيخ زايد .. وكل المناطق المحيطة الساعة 3 عصرا ( ميدان السيدة زينب ) تجمع لكل مناطق السيدة زينب - السيدة عائشة - عابدين - مصر القديمة - المقطم - البساتين - دار السلام - المعادى - طرة - حلوان - 15 مايو .. وكل المناطق المحيطة الساعة 3 عصرا ( ميدان رمسيس - جامع الفتح ) تجمع لكل مناطق مدينة نصر - مصر الجديدة - العباسية - الزاوية - الوايلى - الاميرية - عين شمس - المطرية - الف مسكن - السلام - الشروق .. وكل المناطق المحيطة الساعة 3 عصرا ( دوران شبرا ) تجمع لكل مناطق شبرا مصر - الخلفاوى - الظاهر - السبتية - شبرا الخيمة .. وكل المناطق المحيطة سكاشن المحافظات بالكامل هتتوجه للتحرير بشكل مباشر .. اى حد فى مش هيقدر يتحرك مع المسيرات يتوجه بشكل مباشر لميدان التحرير كل التجمعات هتتحرك الساعة 3:30 بالظبط فى اتجاه ميدان التحرير الدعوة مش مقتصرة على اعضاء الالتراس فقط ولكن دعوة عامه لكل المصريين اللى مؤمنين ان حق الشهيد مش هيضيع وان القصاص قادم لا محاله ..الثورة قامت عشان العدل ..والقصاص هو اول خطوة لتحقيق العدل فى مصر) ..