شن الإعلامي عمرو أديب، اليوم الإثنين، هجومًا عنيفًا على المستشار مرتضى منصور، رئيس نادي الزمالك، وعضو مجلس النواب، قائلًا: «أبويا علمني ما أخفش من حد، وأنا معنديش حاجة أخاف عليها، وأنا قررت الدخول في النزاع ده للنهاية، أيًّا كان اللي هيحصل، ويمكن أكون ضحية لشيء محترم، محدش لازم يرهبنا تاني أو يخدش حياءنا». ووجه «أديب»، خلال تقديمه برنامجه «القاهرة اليوم»، عبر قناة «اليوم»، رسالة نارية إلى رئيس الزمالك، قائلًا: «أنا واقف قدام مرتضى، ومش همشي، واللي عايز يبقى معايا أهلًا وسهلًا، واللي عايز يبقى ضدي فأنا قررت أخوض المعركة للنهاية، عايز يوقف البرنامج قبل يوم الإثنين عشان الكابتن أحمد حسام ميدو جاي ضيف، وكلم الإدارة وقال إنه هيكسر الاستوديو، تعالى راجل لراجل ووريني هتكسره إزاي، إحنا رجالة وكان غيرك أشطر، كان حازم أبو إسماعيل واقف بره وإنت كنت تحت السرير، كل الناس عارفة حقيقة مرتضى ومحدش قادر يكلمه، ولو راجل وريني نفسك».