أفردت الزميلة جريدة الأهرام المسائي فى عددها اليوم الثلاثاء، صفحة كاملة نشرت خلالها موضوعا بعنوان: "انفراد..المكالمة التى ستهز عرش الجبلاية !" ويشير الموضوع إلى تفاصيل مكالمة تدور بين مسئول مهم باتحاد الكرة وآخر بلجنة الحكام حول أزمة نادى الزمالك الأخيرة مع الحكام. وإليكم نص المكالمة: مسئول بالجبلاية: ها..يا كابتن "أ".. إزيك مسئول بلجنة الحكام: الحمد لله يا باشا.. كنا عايزين نتكلم مع حضرتك شوية مسئول بالجبلاية: أمرنى مسئول بالحكام: نقعد مع بعض شوية نشوف هنعمل أيه الفترة الجاية..والأمور إن شاء الله والدنيا هتتظبط كدا..والأمور هتبقى كويسة مسئول بالجبلاية: أنا مسافر للعمرة مسئول بالحكام: هتيجى امتى إن شاء الله مسئول بالجبلاية: هاجى السبت..هأكون معاك الأحد مسئول بالحكام: تقبل الله مسئول بالجبلاية: هاجى السبت والأحد هأكون معاك..ماتشغلش بالك أنا عارف أن فيه حروب بين المجلس نفسه..وأنا مساند "ج" فى قراره "ع" مصر ومتمسك بوجودك (....) اللى اسمه جمال الغندور طبعا عامل يعنى تكتلات علشان يجى..أحمد من ناحية.. كذا عضو كده من ناحية..كابتن حسن فريد النهاردة كلمته ومحمود الشامى وحمادة المصرى.. يعنى معانا لوبى فيه 6 أعضاء..بس عايزين المرحلة الجاية ياكابتن "أ" نعديها.. يعنى إمبارح محمد فاروق كان عشرة على عشرة محدش يقدر يتكلم وكلمت رئيس الزمالك قلتله أظن مالكش كلام. مسئول بلجنة الحكام: ده طلع مع خالد الغندور قال تحكيم محترم وخالد الغندور قال له..مش عارف أيه..والحكاية والرواية والبلاغ اللى أنت مقدمه..قاله الكابتن"..."مالوش دعوة بالرشوة..كابتن"..."متفق مع المجلس إنه هيمشوه فى يناير ولكن هو بالنسبة للرشوة هو مالوش دعوة بالرشوة..الرشوة دى كانوا حكام ومتفقين عليا عايزين يحطموا ويخسروا النادى ولكن كابتن"...." مالوش دعوة بالرشوة خالص وهو بعيد عن الموضوع ده.
مسئول بالجبلاية: تمام..لأ.. هو غلبان خلى بالك يا أستاذ "أ"..أنا لما اتكلمت معاه..أنا قعدت معاه قلت له عشان خاطرى..أجيبلك مين؟!..عايز تجيب جمال الغندور يبيعك ولا عصام صيام..ياعم خليك فى اللى نعرفه يكفى انك تبقى واحد نضيف..وقلتله بعد إذنك ليك حاجة واحدة قبل الماتش احنا مش هنجيب..قالى أنا مش عايز حد يبقى عليا..قلت له جميل هنجيب لك حكام دوليين محترمين.
مسئول لجنة الحكام: وأنا جايب له حكم هو بيحبه..وهو مبسوط منه. مسئول بالجبلاية: اللى هو مين؟؟ ماتش ايه؟؟ مسئول بالحكام: ماتش الزمالك والمقاصة..جهاد جريشة مسئول بالجبلاية: زى الفل مسئول بلجنة الحكام: تمام مسئول الجبلاية: مالوش حجة..زى الفل..أحسن كده..متقولش لحد خالص الكلام دا. مسئول بالحكام: لأ..أنا بأقول لك أنت بس. مسئول بالجبلاية: انت عارف ليه أنا بأسكته بالكلام ده! علشان يبعد عننا.. ما هو خد بالك..هو برضه سم..أنا كده علشان أعرفه اللى بيعمله معاك كابتن "..." مش هيعمله معاك إلا أنت. مسئول بالحكام: خلى بالك يا كابتن "..." أن الإعلامى "ش" كان بيقولى أنت هتلاعب جهاد اللى راح لرئيس الزمالك الصوان والبتاع عشان يسانده.. قلت له يا كابتن "ش" أنا عندى جهاد محترم وكبير. مسئول بالجبلاية: سمعتك يا باشا..قلت له.. أحسن حاجة انك قلت له آمنه على نفسى..سمعتك..كلام محترم..إن شاء الله..بس متشغلش بالك..وأنا خلى بالك لما بلاقى فيه خطر..بأعمل لوبى..أنا عامل لوبى دلوقتى. مسئول بالحكام: أنا يهمنى أنت يا كابتن..يهمنى أنت أهم حاجة مسئول بالجبلاية: يا باشا متشغلش بالك..ولا حد يقدر يجى ناحيتك..يلا يا كابتن أشوفك فالاتحاد إن شاء الله. مسئول بالحكام: إن شاء الله تيجى بالسلامة..بس خليه يهدى علينا يا كابتن.
