سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
السيسي: ياريتني كنت أنا اللي استشهدت.. وأسر الشهداء: كلنا فداك ياريس الرئيس يتعهد أمام جثامين شهداء الفرافرة بالقصاص من الإرهاب.. ويؤكد: مصر بتتهاجم من كل مكان
عقب مشاركته في تشييع جنازة شهداء الواجب الذين راحوا ضحية الغدر في الفرافرة بالوادي الجديد, أكد الرئيس عبد الفتاح السيسي أن مثل هذه العمليات الإرهابية الغادرة لن تنال من إصرار وعزيمة الشعب المصري والقوات المسلحة علي اقتلاع جذور الإرهاب والتطرف. وأضاف الرئيس في أثناء مواساته اسر الشهداء خلال استقبال الجثامين في مطار ألماظة أمس أن مايحدث في مصر حرب كبيرة والبلد أمامها خياران إما الناس تموت بعضها أو الجيش يخش يموت وعشان كده اخترنا أولادكم وأولادي وأولاد كل المصريين واللي ماتوا دول أبناء لكل الشعب ومش أبنائكم انتو فقط وراحوا فداء لكل المصريين عند ربنا اللي مبيضعيش عنده حق. وأكد الرئيس أن الدولة وقواتها المسلحة لن تترك الإرهابيين والمجرمين الذين ارتكبوا الحادث الغاشم, وذكر السيسي: أحنا مش هنسيب المجرمين والإرهابيين أبدا ونعاقبهم بقوة وخلي بالكم إن مصر بتتهاجم من كل مكان, بالإضافة إلي المهاجمة من الداخل وده أول مرة ان مصر تستهدف بالطريقة دي. وقال الرئيس: هقولكم علي حاجة تبرد ناركم مصر كلها حزينة علي اللي مات وانتو مهمومين واحنا مهمومين وربنا نجانا بشهدائنا ابنك وابنه وبعزيكم وبعزي كل مصر, واقول للي استشهد ده ابن لكل المصريين ودمه في رقابنا كلنا ومش هننسي والجيش مش هينسي ولا الشرطة وعايزين نشوف بلدنا في خير وسلام والناس يعيشون في أمان والعدو مش عايز كدهودي أكبر أزمة بتمر بيها مصر والمنطقة كلها, ويعز علي دموع أي حد فيكم, وياريتني كنت أنا اللي استشهدت والله العظيم ياريتني كنت أنا مكان أولادكم ولا كنت وقفت أمامكم كده. ورد أهالي الشهداء علي الرئيس قائلين: كلنا فداك ياريس وفداء بلدنا والشهيد هيرتاح في قبره بعد ما ناخد حقه, ولو عايزنا نخش الجيش تاني نخش وندافع عن بلدنا وربنا يكون في عونك ياريس. وأشار رئيس الجمهورية, إلي أنه تم تشكيل لجنة لمتابعة الحادث ومراجعة الطرق الأمنية واستطرد: في لجنة مشكلة بتراجع كل حاجة في البلد وتشوف إيه اللي بيحصل.