هاني بدر الدين قالت إنجي حمدي، القيادية في حركة شباب 6 أبريل، مساء اليوم بعدما أعلنت استقالتها صباح اليوم "طيب حالة الفتي والهري خلصت ولا لسه؟ يعني عشان لو لسه محدش لحق يفتي ويهري يلا لسه قدامكم فرصة". وأضافت في كلمات مقتضبة نشرتها على صفحتها على موقع "فيسبوك" مساء اليوم الخميس "المشكلة إن مفيش أي إبداع في الهري والفتي، يعني قالك خافت من التشوية، وأنا بقولك إنت محتاج تدور كويس مين هي إنجي حمدي من أيام تشويه لجان مبارك وأمن الدولة، اللي على حق أيام ماكنت إنت بتتفسح، وكنا بنتسحل في المظاهرات، ومكملين ومهمنيش تشويهم ولا استدعاءات أمن الدولة ولا فصلهم لي من أي شغل، وبرضه مكملين لإننا شباب غير قابل للهزيمة، فمش دلوقتي هقلق من تشويهم". واستطردت قائلة "اللي قالك نطت من المركب، طيب اللي يعرفني كويس برضه هيعرف إني لا أخاف غير الله، واللي يعرف 6 أبريل كويس هيعرف إن 6 أبريل عمرها ماكانت مركب، 6 أبريل فكرة مش أشخاص، والأفكار لا تموت، وانا استقلت من الحركه تنظيميا ولكني أبريليه الهوي، واحفظوا البوست ده عشان لما أبقي رئيسة الجمهورية تبقوا عارفين توجهي من دلوقتي.. فموتوا بغيظكم".