لو جاتلك المشاركة بتاعتي علي صفحتك ياريت ترد عليا بجد انت دلوقتي بتروح شغلك في أد إيه؟ طيب لو كان عندك ابن او بنت في المدرسة انت مش من جواك خايف توديهم المدرسة ؟ طب لو بترجع متأخر واحسن طريق لعودتك هو الدائري بتقدر تمشي عليه ؟ كانت هذه ملاحظة كتبتها حنان منير وتم تداولها بين عدد كبير من الاعضاء علي الفيس بوك. واستكملتها بأن هناك احداثا كثيرة تتم هذه الايام من شأنها احداث نوع من الترهيب وتلاشي الشعور بالامان لدي المواطن. هذه المشاركة شهدت69 تعليقا منها.. احمد مسعود- مهما حاولنا هيبقي أي رأي متهم بأنه ثورة مضادة او من اتباع اجندات خاصة عشان تفضل حالة عدم تقبل الآخر مستمرة, عادل زكريا بعد واقعة اتوبيس المدرسة في ميدان الجيزة واقتحام بلطجية لمدرسة بالنزهة أكيد احنا في مؤامرة مش مجرد حوادث فردية هناك مستفيد من حالة الفوضي في الشارع, مدحت جمال هناك حوادث مع ضباط حاولوا حفظ الامن فكانت النتيجة مشاجرات معهم ومنعهم من القيام بدورهم مستغلين الموقف الجماعي ضد الشرطة كما حدث مع ضابط الهرم الذي حاول انقاذ فتاة من الخطف وظابط مصر القديمة الذي تصدي لبلطجية.. هناك من يريد تأخير عودة الشرطة وهناك من يريد زيادة غضب الناس عليهم اكثر, فريد عبدالمولي- هي الشرطة اكتفت بالوجود علي الفيس بوك ولا ايه؟.. مش عارف هنستفيد ايه بصفحة وزارة الداخلية وانها تقدملي اخبارا وفيديوهات هو كده بتتواصل معايا.. احب اقولكم احنا اصلا مش موجودين علي النت عشان اكيد كلنا متعطلين في الشوارع والزحمة أو فيه بلطجية معترضة طريقنا عشان ياخدوا اتاوة عبور طريق ومازلنا ننتظر المزيد من الفوضي. مني- كل شوية اسمع في التلفزيون ان رجال الشرطة أخواتنا واهلنا طب وهو حد قال غير كده.. انتوا عاوزين نروح لحد عندهم ننزلهم الشارع.. يا حضرات الضباط خدوا بالكم البلطجية في الشوارع وقطاع طرق في عز الظهر وحوادث خطف كل ده والشرطة لسه بتنظم نفسها.
