كتب: آمال عويضة في خطوة إيجابية من جانب شباب ثورة25 يناير, وفور إعلان تنحي رئيس النظام السابق, قدم الناشط وائل غنيم أولي المبادرات في حب مصر, لجمع مقترحات شباب مصر لبناء وطنهم, وذلك عبر صفحة كلنا خالد سعيدس ز س افتراضيا لشباب الثورة المصرية بل ميدان للاحتفال بعيد حب علي الطريقة المصرية. وقد استقبلت صفحة المبادرات التي حملت عنوان' عايزين من مصر إيه؟؟', علي مدار اليومين السابقين الآلاف من المقترحات والمبادرات التي سيطرت اللغة العامية عليها, حيث شارك نحو25 ألف مواطن بأفكار, وبلغت مرات تصويتهم علي مقترحات بعينها نحو700 ألف تصويت, وعلي رأس تلك المبادرات كانت الأفكار التي ركزت علي الانتخابات القادمة والشفافية والتعليم والزراعة والاستفادة بخبرات أبناء مصر من المفكرين والعلماء, ومبادرات أخري منها: أطباء من أجل المصابين- وائل غنيم هناك أكثر من10 آلاف حالة من حالات الاصابة وبعضها خطير جدا ويحتاج رعاية طبية في كل المحافظات. المصابين منهارين نفسيا ومحتاجين علاج سريع يا ريت الأطباء الشرفاء يشتركوا معانا. المطلوب نملي استمارة التطوع دي بأسرع وقت ونشرها بين الناس كلها. تنسيق الأفكار- لاجئ إنشاء مؤسسة يطلق عليها اسم' مبادر' تتولي تنسيق هذه الأفكار والعمل علي تطبيقها علي ارض الواقع, يكون هدفها المساعدة في التطبيق. لأنه لابد أن يكون هناك شكل رسمي للأفكار حتي تستمر وتكون ملجأ لكل من يريد أن يطبق فكرة. شوارع الشهداء- نورا زغلول ز ان نخلد أسمائهم علي الشوارع وأن يغير الشارع الذي قتل فيه خالد سعيد اسمه ليحمل إسم شارع خالد سعيد لان أمثالة كان ممكن ان يتجاهل وضع البلاد ويخلدوا أسمائهم ب أولادهم' دم جديد للداخلية- عاليا المصرية 'فتح باب القبول لخريجيين الحقوق للالتحاق بجهاز الشرطة لتغيير الدم الحالي بدم جديد' مفيش باشوات في مصر: محمد فوزي 'من النهارده مفيش كلمة باشا في مصر.... كل واحد بلقبه و رتبته مع كامل الأحترام و نفسي مشوفش عربيه مركبه فميه تعدي من اللجنه وانا معديش ولا نمر سودا و بادجات و تبقي مصر حقي و حقك, و مسمعش كلمة انت عارف انت بتكلم مين دي في مصر تاني ابدا.' دي بلدي أنا- رامي إن الله لا يغير ما بقوم حتي يغيروا ما بأنفسهم من النهاردة دي بلدك انت, ماترميش زبالة, ماتكسرش إشارة, ماتدفعش رشوة, ماتزورش ورقة, اشتكي أي جهة تقصر في شغلها اشتغلوا فيها و عمروها علشانا و علشان ولادنا واحفادنا25 ينايريبقي تغير لكل واحد فينا للاحسن خط ساخن للفساد- مصري 'يتم عمل خط هاتفي للشكاوي, خاصة في الانتخابات الرئاسية والتشريعية, للإبلاغ عن أي محاولة للتزوير أو دفع الرشاوي. وتلحق بجهاز رقابي للتأكد من صحة الشكوي واتخاذ الإجراءات اللازمة. وأيضا تفعل هذه الفكرة ليس فقط علي الانتخابات, بل في العديد من الهيئات.' شفافية الوزارة- ون واي ز توضح للشعب خطتها الفترة القادمة.. ماتم تحقيقه.. الصعوبات اللي بتواجها..خطة زمنية.. نفهم الحكومة بتعمل ايه وليه وازاي عشان لا نظلم حد ولا نتظلم من حد' مشروعات ولاد مصر- خالد البدء في مشروع ممر التنمية و التعمير لدكتور فاروق الباز و مشروع جامعة العلم لدكتور زويل... تنفيذ المشروعين هينهي ازمة البطالة و السكن و الزراعة و هيكون في24 محافظة جديدة و ابحاث علمية تقدم مصر... وفي ظرف خمس سنين مصر هتبقي دولة تانية احسن بكتير اوي خالد صلاح كتب عن الباز: مشروع ممر التنمية للعالم العظيم فاروق الباز- هناك دراسة قديمة كانت تقول ان1% من مساحة مصر تكفي لتوليد طاقة شمسية تكفي العالم أجمع بمعني اننا لو اقتطعنا مساحة من الصحراء الغربية وحولناها لتوليد طاقة كهربائية توازيا مع مشروع ممر التنمية المقترح. هناء: تفعيل مشروع دكتور ممدوح حمزه في تكوين مدن جديدة زراعية في الصحراء باستخدام المياه الجوفيه اللي هتكفي لمده500 سنه وانشاء المشروع برؤيه ودراسه دكتور ممدوح لاني انبهرت بيها واللي عايز يشوف عرض المشروع بتاعه علي اليوتيوب في برنامج اهل الراي. أحمد عبد المجيد: مشروع توليد الكهرباء بالطاقة الشمسية في الصحراء الغربية لازم مصر تتبناه, الدكتور نادر نورالدين نشر مقال عن اهمية توجه مصر إلي الاستثمار في الطاقة الشمسية يتوقع ان تدر ما يقرب من90 مليار دولار سنويا وتصدير الطاقة الفائضة عن حاجة مصر لدول العالم. وحظيت الانتخابات بكثير من الاقتراحات التي كان من بينها: مناصب بالانتخاب- مصطفي بدر أفضل ما يتنفسه الإنسان الحرية: حرية تكوين الأحزاب والمنظمات المدنية والجمعيات الأهليه* تولي أي منصب في الدوله بالانتخاب: رؤساء الجامعات- عمداء الكليات- رؤساء الأقسام- شيخ الأزهر- بابا الكنيسه- المفتي- رؤساء التحرير- عمداء القري. انتخابات البصمة- مازن إلغاء البطاقات الانتخابية وممارسة الحق الانتخابي عن طريق الرقم القومي ووضع نظام صارم لعدم التزوير مثل ادماج بصمة المواطن علي الرقم القومي ويكون الانتخاب بطريقة الكترونية وعن طريق البصمة. محمد حلمي: 'فكرة المناظرات العلنية بتساعد ان القاعدة العريضة من الشعب يفهم اكتر الأفكار المقترحة قبل الاستفتاء عليها,وكمان بالنسبة للانتخابات في كل المناصب,عشان الناس تقتنع بالفكرة الأصح والشخص المناسب أكتر' رحاب: 'فكرة المناظرات العلنية بتساعد ان القاعدة العريضة من الشعب يفهم اكتر الأفكار المقترحة قبل الاستفتاء عليها,وكمان بالنسبة للانتخابات في كل المناصب,عشان الناس تقتنع بالفكرة الأصح والشخص المناسب أكتر' طارق: 'تعديل قانون من اين لك هذا وتفعيله بحيث يكون ملزم الزام قوي ليحاسب كل مسئول من اول رئيس الجمهورية مرورا بالوزراء حتي رؤساء المديريات في المحافظات و المجالس المحلية لان دول اللي بيعملوا التراخيص وبيخلصوا مصالح المواطنين.. كل سنة مش في الاول والاخر بس' انتخابات بالبطاقة- ياسر خاطر 'لازم نفكر ان اي انتخابات عندنا تكون نزيهه فعلا بالرقم القومي واستخدام ملف الاحوال المدنيه المسجل به جميع البيانات وجميع اللجان تستخدم كمبيوتر متصل بالريسيفر لعدم تكرار المنتخب كما كان يحدث'. اختيار الرئيس- أحمد سعيد نعمل حملة لتوعية الناس بموضوع الترشيح للرئاسة عشان ما يجيش طاغية جديد يتحكم ف الشعب مش يحكم الشعب.. لان الشعب للاسف عاش30 سنة ف فساد فمابئوش بيفكروا يروحوا لصناديق الاقتراع... لان الموضوع جد خطير صحافة حرة- علي جمال الدين 'أحلم ببلادي الصحافة فيها حرة دون قيود ولا إملاءات إن الصحافة الحرة هي مفتاح الحصول علي باقي الحريات في المجتمع كما أحلم بإطلاق حرية الاتصالات والمعلومات لأنها جزء منها. لا بد أن ينص علي عقوبة لأي مسؤول يمنع المعلومات عن الصحفيين أو يدلس فيها.' فوسفات سفاجة- من الغردقة مدينة سفاجا بها ثروة معدنية هائلة من الألومنيوم والفوسفات, ما تم في السنوات السابقة هو هدم هذه الثروة وتفكيك مصنع الفوسفات, ما احلم به هو استعادة التعدين مرة أخري بسفاجا وخاصة وأن بها ميناء بحري تجاري بموقع ممتاز.' إوعي تسكت- من الفيوم ز غلط في اي مكان ميسكتش عليها ولازم كلنا نقف ضددها'. تأمين صحي لمصر- د.كابكا مفيش حد مننا يدفع رشوة لأي موظف ويكون ده سلوك عام في المجتمع كله و بالتالي الموظفين يتعودوا يشتغلوا من غير' إكرامية'' الشاي'' الحلاوة' الخ....' بلاش مصانع شيبسي- عبد الرحمن ز_ اعلام كويس لان الاعلام هو اللي بيربي الناس مع التعليم- مدن جديده جنبها مناطق صناعيه- عاوزين نركز في الصناعات الثقيله وبلاش نكتر من مصانع الشيبسي- عاوزين نرجع الزراعه ونحسن اساليبها وندي للشباب اراضي يستصلحوها مع توفير الامكانيات ليهم'. اشتغل بضمير- شيكو ز حاجتين أولها أن نضمن أن مالنا ده حلال و أستحقيناه بجد و ثانيا لازم نكون متأكدين أن شغلنا بضمير ده هيرجع بالفايدة علي بلدنا و بالتالي علي كل واحد منا' مفيش فساد- محمد ' مفيش حد مننا يدفع رشوة لأي موظف ويكون ده سلوك عام في المجتمع كله و بالتالي الموظفين يتعودوا يشتغلوا من غير' إكرامية'' الشاي'' الحلاوة' الخ....' أبحاث الرف- أحمد شبانة الابحاث الي مركونه في كليات الهندسه والزراعه والعلوم لازم تطلع للنور منها حاجات كتير صالحه انها تتطبق في مصر من دلوقتي. شريف: 'مراجعة الاقكار و البحوث العظيمة بهيئة البحوث لازم نستخدم العلم في بناء النظام الجديد' قمح مصري- ياسر استهلاك مصر من القمح وهمي( اكبر مستورد في العالم) تفعيل زراعة سلالات القمح الجديدة اللي تقبل الزراعة بالمياه المالحة مما سيؤدي لتوفير عملة صعبة وتحقيق الاكتفاء الذاتي او علي اسوأ الظروف تقليل الضغوط المفروضة. جودي نفسي نستعين بكل اللي بيفهموا في الزراعه في البلد ونرجع نزرع قمح وقطن تاني. طمي مصري- بسنت 'تجريف طمي بحيرة ناصر للاستفادة من طمي النيل المتجمع فيه منذ انشاء السد العالي لتخصيب الصحراء وحماية قري اسوان من الغرق. قش الأرز- المهندسة مروة البيلي منع حرق قش الأرز نهائيا ومحاولة الاستفاده منه لأنه اتضح أهميته في صناعة الأسمده والعديد من الصناعات الأخري وفرض غرامات علي من يقوم بذلك لأنه يلوث البيئه بشكل كبير جدا' أسطول صيد- علي جابر من الإسكندرية 'ياجماعه احنا الدوله الوحيده اللي بتطل علي بحرين ونهر ولغايه دلوقتي معندناش اسطول بحري للصيد احنا ممكن نصدر سمك للخارج بمبالغ كبيره جدا لو عندنا الاسطول ده غير اننا حيبقي عندنا اكتفاء ذاتي من الاسماك مع خفض اسعارها ولا اليابان احسن مننا'. سوق الحي- نانسي 'عمل أسواق متخصصة في كل حي حتي لا نري مرة أخري الباعة الجائلين في الشارع يعطلون المرور و كذلك يستطيعوا أن يأكلو عيش و ميضطروش لدفع رشاوي للعساكر و الضباط علشان يسبوهم.كذلك الامتداد العمراني للصحراء و لكن بعد ادخال جميع المرافق و كذلك المداس الخاصة بها'. عشوائيات مصر- مندي ز موقوته يمكن ان تنفجر في اي وقت بشكل سلبي علي المجتمع ده غير ان الاهتمام بيها هتخلي مصر اجمل و هيتفرز منها طاقات بشريه عظيمه'. سجون منتجة- ميدو 'يتم فتح ورش عمل في السجون بأجر حتي يتمكن المساجين باعالة اهليهم.وحملات توعيه للمساجين حتي بعد انتهاء مدتهم يتم التعايش مع المجتمع حتي لا ننتج بلطجي يمكن شراؤه بالمال'. سيناء- ريم ز أهالي سيناء يشعرون بالتهميش و الإضطهاد, لازم يتعمل هناك مزارع و مصانع و صروح تعليمية لنتمية مجتمع سيناء و التعمير هو أول الطريق لحمايتها من الأطماع الخارجية' أما عمرو سلامة وهو أحد الناشطين في مجموعة شباب25 يناير فكتب يقول: ( من النهاردة خد المبادرة, من النهاردة هتخصص وقت من وقتك لبلدك, مش عشان إنت ملاك, لأ عشان عارف إنه هيرجعلك, من النهاردة هتبقي إيجابي و هتشارك, مش عشان دم الشهداء و الجرحي اللي نزلوا عشانك بس, لأ عشان كمان مستقبلك و مستقبل أولادك, من النهاردة, هيكون النهاردة هو النهاردة, بتعيشه و إنت بتصنعه. أنا كل ما بحاول أفكر حتي لو للحظان في عظمة اللي إتعمل ببقي هيعيط في لحظة, و اللي بيطلعني من الحالة ديه هو التفكير في بكره, إعلموا أن ثورة خمسة و عشرين يناير إنتهت, و بدأت ثورة مصر الحقيقية. ثورة بناء بجد, ثورة بتثور فيها علي أكبر عدو في الدنيا, العدو ده نفسك لو حاولت تخليك تكسل أو تلوم الآخر, أو تكره, و تستسهل, أو تفسد, أو تنافق, أو تاخد حق غيرها. ثورتنا الجاية أصعب بس أحلي, نتايجها بتتأخر بس أقيم, ثورة بتبني طوبة بطوبة, بس كل ما تخلص و تبص علي إنجازاتها هتلاقي هرم, هرم جديد بتاعك إنت, مش بتاع ناس عمرك ما شفتهم, تبني مسلة بتاعتك مش بتاعت ناس ماتعرفش مين هما, تبني حضارة ناقش علي طوبة فيها إسمك مش إسم مش متأكد لو نطقك ليه صح و لا لأ. كل شاب نزل و عرض حياته للخطر هو أشرف عندي من إخناتون, كل دكتور أنقذ جريح هو أشرف عندي من آتون, كل واحد حمي بيته هو أشرف عندي من مينا موحد القطرين, و كل واحد من النهاردة, حتي لو ما شاركش بأي شكل في الثورة, بس عمل حاجة إيجابية و بني في بلده هو أشرف عندي من كل حضارة مصرية تكونت و ماتت قبل أن نولد و قرأنا عنها في الكتب كما كتبها ناس لم أعلم عنهم شيء. أنا فخور إني مصري, مش بسبب أي حاجة حصلت إمبارح أو من آلاف السنين. أنا فخور إني مصري بسبب النهاردة.. و قررت أفضل فخور بكل نهاردة'.
