تحدثت الفنانة نادية شكري طليقة الفنان سامي العدل، وابنتها رشا، خلال تواجدهم ضيوفا على برنامج "شارع النهار"، المذاع عبر قناة "النهار"، عن آخر اللحظات في حياة النجم الراحل الذي توفي عام 2015، بعد صراع مع المرض. وقالت نادية شكري: "لما سامي كان يعرف أن حد مريض ومحتاج أو فلوس يقولي فين كذا.. قبل وفاته بشوية بكلمه على زميلة تعبانة قالي هبعتلك ظرف بس متقوليش أنه مني، كان بيضايق جدا لو حد قال أنه ساعد حد في حاجة مكنش يحب يقول". وتابعت قائلة: " طول عمره بسيط زي ما هو متغيرش لحد وفاته، قبل وفاته كنت بعمل مسرحية مع سامح حسين اسمها "أنا الرئيس" جه واتفرج عليا وعملي تحيات فظيعة ومكنش وقتها قادر يمشي كتير وكنت باخد بالي منه". اقرأ ايضا.. في ذكرى وفاته الرابعة.. هكذا تحدثت ابنة سامي العدل عنه وعن علاقتها بعد الطلاق قالت: "كنت بحبه جدا بس الحب بعد الطلاق ملوش علاقه لأني بحب عيلته لانها عيلتي التانية اتربيت معاهم كنت مرتبطة بيهم جدا وعمري ما كنت زعلت حد ابدا عشرة جميلة، بعد الطلاق فضلنا أصحاب بقيت حاسة أنه حد منهم كان حنين اوي يستاهل الناس تحبه". وقالت رشا سامي العدل: "بابا قبل ما يتوفي ب 22 يوم قرر أنه يجيب شنطته ويجي البيت وامي قاعدة معايا في البيت وكان تعبان مكنش قادر يتحرك.. ووقتها ماما كانت التي بتساعده زكنت اقعد اهزر معاه قبل الغيبوبة كنت اغلس عليهم اقولهم ايه ده انتو مش مطلقين؟.. يقولي مالكيش دعوة انتي اطلعي منها وماما تقولي انتي مالك انا باكله.. اقلهم لا يجوز، ولم روحنا المستشفى قبل الغيبوبة ماما كانت معايا في المستشفي مش بتسبني حتى بعد الغيبوبة كانت تحرص على التواجد وانا كنت ديما موجودة معاه". وأضافت نادية شكري: "يوم كان فيه ماتش فيه الزمالك بيلعب ماتش مش مهم، فطلب منهم انه يقعد على الكرسي رغم الاجهزة فقعدوه عشان ياكل، فجاة لقيته بيقولي انتي بتستطعبتيني حطي في السندوتيش زبدة وفوقه مربة، اقوله يحبيبي مينفعش انت مريض، قالي بقولك ايه هما مش عارفين اني مريض جايبينه ليه؟ جايبينه اكله اسمعي اللي بقولك عليه، وخفت منه وعملته يقول الله حلو اعملي واحد تاني". وعادت ابنته لتقول: " قبل ما يتعب بفترة ابتدى يبقى عنده عادة أنه ممكن ينزلني من البيت الساعة 2 و 3 الصبح، يقولي البنت مشيت نفسي في شاى بلبن وبقسماط، وانا ساكنة في 6 أكتوبر وهو في الدقي، فكنت أنزل من البيت اروح له عشان اطلع اعمله شاي بلبن وبقسماط".
